ലഖ്‌നൗ: ഉത്തരവ് ലംഘിച്ച് ഗായിക കനിക കപൂറിനെ ചോദ്യം ചെയ്യുമെന്ന് ലഖ്‌നൗ പോലീസ്. രോഗ വിവരം മറച്ചുവെച്ച് പൊതു സ്ഥലങ്ങളില്‍ പോവുകയും രോഗം പടരാന്‍ സാഹചര്യം ഒരുക്കുകയും ചെയ്തതിനെ തുടര്‍ന്നാണ് നടപടി. കനികയക്കെതിരെ ഇന്ത്യന്‍ ശിക്ഷാ നിയമം സെക്ഷന്‍ 269, 270 എന്നിവ പ്രകാരമാണ് കേസെടുത്തിട്ടുള്ളത്.
മാര്‍ച്ച് 20നാണ് കനികയ്‌ക്ക് കോവിഡ് സ്ഥിരീകരിക്കുന്നത്. തുടര്‍ന്ന് ചികിത്സയ്‌ക്ക് വിധേയമാകാതെ മൂന്ന് പൊതുചടങ്ങുകളില്‍ ഇവര്‍ പങ്കെടുക്കുകയും ചെയ്തിരുന്നു. ഇതിന്റെ അടിസ്ഥാനത്തിലാണ് ഇവര്‍ക്കെതിരെ കേസെടുത്തിട്ടുള്ളത്. 269 പ്രകാരം കൊറോണ സംശയിച്ച് നിരീക്ഷണത്തിലുള്ളവരോ രോഗം ബാധിച്ചവരോ രോഗം പടരാനുള്ള സാഹചര്യം സ്വമേധയാ ഒരുക്കിയാല്‍ അവര്‍ക്ക് ആറുമാസം വരെ തടവുശിക്ഷ നല്‍കുകയും പിഴ ഈടാക്കുകയും ചെയ്യാം.
സഞ്ജയ് ഗാന്ധി പോസ്റ്റ് ഗ്രാജുവേറ്റ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സിലാണ് കനിക കപൂര്‍ ചികിത്സയില്‍ കഴിഞ്ഞിരുന്നത്. ആറാമത്തെ പരിശോധനയിലാണ് കനികയുടെ ഫലം നെഗറ്റീവായത്. ആശുപത്രിയില്‍ നിന്ന് കനിക നേരേ വീട്ടിലേക്കാണ് പോയത്. 14 ദിവസത്തെ സമ്പര്‍ക്കവിലക്കിന് ശേഷമായിരിക്കും ലഖ്‌നൗ പോലീസ് കനികയെ ചോദ്യം ചെയ്യുക.
അതേസമയം കനിക വിരുന്നില്‍ പങ്കെടുത്തെങ്കിലും ഗ്ലൗസ് ധരിച്ചിരുന്നുവെന്നാണ് ഇവരുടെ അച്ഛന്‍ പോലീസിനെ പറഞ്ഞത്. തുടര്‍ന്ന് ഗായിക പങ്കെടുത്ത പാര്‍ട്ടികളെക്കുറിച്ച് അന്വേഷിക്കാന്‍ ലഖ്‌നൗ ജില്ലാ മജിസ്‌ട്രേറ്റ് കോടതി ഉത്തരവിടുകയും ചെയ്തു. ഇന്ത്യക്കെതിരായ ഏകദിന ക്രിക്കറ്റ് പരമ്പരയ്‌ക്കെത്തിയ ദക്ഷിണാഫ്രിക്കന്‍ ടീം താമസിച്ചതും കനിക കപൂര്‍ താമസിച്ച അതേ ഹോട്ടലിലായിരുന്നുവെന്നും തുടര്‍ന്ന് പോലീസ് കണ്ടെത്തി.
പ്രതികരിക്കാൻ ഇവിടെ എഴുതുക: