കൊറോണ: ഗുരുതര ചട്ടലംഘനം നടത്തി കൊല്ലം സബ്കളക്ടര്‍; നിരീക്ഷണത്തിലിരിക്കെ കേരളത്തില്‍ നിന്ന് മുങ്ങി; പൊങ്ങിയത് കാണ്‍പൂരില്‍

കൊല്ലം: വിദേശത്ത് നിന്നെത്തി നിരീക്ഷണത്തിലായിരുന്ന കൊല്ലം സബ്കളക്ടര്‍ അനുപം മിശ്ര കേരളത്തില്‍നിന്നും കടന്നു. 

ആരോഗ്യനില പരിശോധിക്കാന്‍ ഉദ്യോഗസ്ഥര്‍ എത്തിയപ്പോള്‍ ഇദ്ദേഹം ഔദ്യോഗിക വസതിയില്‍ ഉണ്ടായിരുന്നില്ല. പിന്നീടാണ് കാണ്‍പൂരില്‍ എത്തിയതായി സബ്കലക്ടര്‍ അറിയിച്ചത്. 19 മുതലാണ് ഔദ്യോഗിക വസതിയില്‍ സബ്കളക്ടറെ നിരീക്ഷണത്തിലാക്കിയത്. 2016 ബാച്ചിലെ ഐഎഎസ് ഉദ്യോഗസ്ഥനായ അനുപം ജില്ലാ കലക്ടറെയോ ചീഫ് സെക്രട്ടറിയേയോ അറിയിക്കാതെയാണ് മുങ്ങിയത്.

അതേസമയം സംസ്ഥാനത്ത് ഇന്ന് 19 പേരില്‍ കൂടി കൊറോണ സ്ഥിരീകരിച്ചു. കണ്ണൂരില്‍ ഒമ്പതു പേര്‍ക്ക് ഇന്നു രോഗം സ്ഥിരീകരിച്ചു. കാസര്‍കോഡ് – 3, മലപ്പുറം – 3, തൃശൂര്‍ – 2, ഇടുക്കി -1, വയനാട് – 1 എന്നിങ്ങനെയാണു മറ്റു ജില്ലകളില്‍ രോഗം സ്ഥിരീകരിച്ചവരുടെ എണ്ണമെന്നു മുഖ്യമന്ത്രി പിണറായി വിജയന്‍ വാര്‍ത്താ സമ്മേളനത്തില്‍ അറിയിച്ചു.