ടോക്യോ: കൊറോണ വൈറസ് വ്യാപകമാകുന്ന പശ്ചാത്തലത്തില്‍ ടോക്യോ ഒളിമ്പിക്സ് മാറ്റി വയ്‌ക്കാന്‍ സാധ്യത. ഗെ.യിംസ് മാറ്റിവയക്കാനായി ഒളിമ്പിക്സ് കമ്മിറ്റിക്കുമോല്‍ കടുത്ത സമര്‍ദ്ദമുണ്ട്. അമേരിക്കന്‍ നീന്തല്‍ ഫെഡറേഷനു പിന്നാലെ അമേരിക്കന്‍ ട്രാക്ക് ആന്‍ഡ് ഫീല്‍ഡും ഒളിമ്പിക്സ് അടുത്തവര്‍ഷത്തേക്ക് നീട്ടണമെന്ന് ആവശ്യപ്പെട്ടു. ഇതേത്തുടര്‍ന്ന് ഗെയിംസ് മാറ്റാനുള്ള സാധ്യതകള്‍ ജപ്പാന്‍ തേടുന്നതായാണ് റിപ്പോര്‍ട്ട്.
വിഷയത്തില്‍ രാജ്യാന്തര ഒളിമ്പിക്സ് കമ്മിറ്റി ഈയാഴ്ച യോഗം വിളിക്കുമെന്ന് സൂചനയുണ്ട്. ഒളിമ്പിക്സ് പൂര്‍ണമായും ഉപേക്ഷിക്കില്ല. ഒന്നോ രണ്ടോ വര്‍ഷത്തേക്ക് മാറ്റാനുള്ള സാധ്യതയാണ് തേടുന്നത്. എത്രകാലത്തേക്ക് ഒളിമ്പിക്സ് മാറ്റാം, സാമ്പത്തികബാധ്യത തുടങ്ങിയവയെല്ലാം സമിതി വിലയിരുത്തുന്നുണ്ട്. അതിനിടെ ഒഴിച്ചിട്ട സ്റ്റേഡിയമെന്ന സാധ്യതയും പരിശോധിക്കുമെന്നും റിപ്പോര്‍ട്ടുണ്ട്.
പ്രതികരിക്കാൻ ഇവിടെ എഴുതുക: