ളത്വം കലര്‍ന്നിതുലകാരത്തിനപ്പരിചു
തത്ത്വം നിനയ്‌ക്കിലൊരു ദിവ്യത്വമുണ്ടു തവ
കത്തുന്ന പൊന്‍മണിവിളക്കെന്നപോലെ ഹൃദി
നില്‍ക്കുന്ന നാഥ! ഹരി നാരായണായ നമഃ
ളത്വം- ‘ള’ എന്ന അക്ഷരം, അപ്പരിചു-അപ്രകാരം. സംസ്‌കൃതഭാഷയില്‍ ‘ല’കാരത്തിന് ‘ള’കാരത്തിന്റെ ഉച്ചാരണവും വന്നുചേരും. ല, ള യോരഭേദഃ എന്ന് പ്രമാണമുണ്ടല്ലോ. സത്യം അറിയുമ്പോള്‍ ല, ള എന്നീ അക്ഷരങ്ങളുടെ ബന്ധംപോലെ തന്നെയാണ് പരമാത്മാവും ജീവാത്മാവും തമ്മിലുള്ളത്. ഈശ്വരന്‍ മായയില്‍ പ്രതിഫലിക്കുമ്പോള്‍ ജീവനായും ആ മായാബന്ധം ഇല്ലാതാവുമ്പോള്‍ തന്റെ യഥാര്‍ത്ഥ സ്ഥിതിയായും ഭവിക്കുന്നു. ജ്വലിക്കുന്ന മണിദീപംപോലെ പരമാത്മ സ്വരൂപം എന്റെ ഹൃദയത്തില്‍ തെളിഞ്ഞുവരുന്നു. ഇക്കാണുന്ന പ്രപഞ്ചം മുഴുവന്‍ ഈശ്വരമയമെന്ന് ഞാനറിയുന്നു. അല്ലയോ ഭഗവാനേ, അങ്ങേക്ക് നമസ്‌കാരം.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: