ചാവക്കാട്: സാമൂഹികവും സാംസ്‌കാരികവുമായ പ്രതിബദ്ധത ലക്ഷ്യമാക്കിയാണ് പുതിയ തലമുറയെ വളര്‍ത്തിയെടുക്കേണ്ടതെന്ന് വിഎച്ച്പി സംസ്ഥാന ജോ. സെക്രട്ടറി പി.ജി. കണ്ണന്‍. തിരുവത്ര ശ്രീനാരായണ വിദ്യാനികേതന്‍ സംഘടിപ്പിച്ച തിരുവാതിര ആഘോഷവും മാതൃ-ദമ്പതീപൂജയും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കൃഷ്ണനെയും യൂദാസിനെയും പ്രസവിച്ച് വളര്‍ത്തിയത് രണ്ട് തരത്തിലുള്ള അമ്മമാരായിരുന്നു. തങ്ങളുടെ മക്കള്‍ എങ്ങനെയുള്ളവരായി തീരണമെന്നും എത്തരത്തിലുള്ള മക്കളുടെ അമ്മയായി തങ്ങള്‍ അറിയപ്പെടണമെന്നും തീരുമാനിക്കേണ്ടതെന്ന് അമ്മമാര്‍ തന്നെയെന്നും അദ്ദേഹം പറഞ്ഞു. സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ മാതൃകാ ദമ്പതികളായ തിരുവത്ര വെങ്കളത്ത് മാധവന്‍-മാധവി എന്നിവരെ ആദരിച്ചു. മാനേജര്‍ പൂങ്ങാട്ട് മാധവന്‍ നമ്പൂതിരി അധ്യക്ഷത വഹിച്ചു. പ്രിന്‍സിപ്പാള്‍ എം.വി. നിഷിജ, അധ്യാപികമാരായ ടി.ആര്‍. പ്രീത, കെ.ബി. സബിത എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: