വടക്കാഞ്ചേരി: ഭാഗവത സത്രം നടക്കുന്ന പാര്ളിക്കാട് നൈമിഷാരണ്യത്തില് പണ്ഡിതരുടെ തത്വ പ്രവചനങ്ങള്ക്കു പുറമേ ഭഗവത് ഗീത അടിസ്ഥാനമാക്കിയുളള പരിപാടികളും . കുട്ടികളെ പങ്കെടുപ്പിച്ച് വിഷ്ണു സഹസ്രനാമജപത്തോടെയാണ് തുടക്കം കുറിച്ചത്. കുട്ടികളില് കൂടുതല് താല്പ്പര്യം സൃഷ്ടിക്കാന് ലക്ഷ്യമിട്ടുളള ഗീതാ പാരായണം, അക്ഷരശ്ലോകം, ചോദ്യോത്തരം എന്നിവയാണ് നടന്നത്. സത്രസമിതി പ്രസിഡന്റ് ഭൂമാനന്ദ തീര്ത്ഥ നേതൃത്വം നല്കി. നാരായണാശ്രമം സംസ്ക്കാര പൈതൃക പഠന ക്ലാസിലേയും മറ്റു വിദ്യാലയങ്ങളിലേയും വിദ്യാര്ത്ഥികള് പങ്കെടുത്തു. ചിത്ര കേതുപഖ്യാനം ഡോ.കെ.ഉണ്ണികൃഷ്ണന് വിവരിച്ചു. കണ്ടമംഗലം പരമേശ്വരന് നമ്പൂതിരി, സ്വാമി ഭൂമാനന്ദ തീര്ത്ഥ, സ്വാമി നിഗമാനന്ദ തീര്ത്ഥ (ഗജേന്ദ്രമോക്ഷം), പ്രൊഫ.വൈദ്യലിംഗ ശര്മ്മ (പാലാഴി മഥനം ഒന്നാം ഭാഗം) എന്നിവരുടെ തത്വ പ്രവചനങ്ങളും ഇന്നലെ നടന്നു.
പ്രതികരിക്കാൻ ഇവിടെ എഴുതുക: