മഞ്ചേരി: മഞ്ചേരിയിലും പരിസര പ്രദേശങ്ങളിലുമുള്ള സ്‌കൂള്‍ കോളേജ് വിദ്യാര്‍ത്ഥികള്‍ക്ക് കഞ്ചാവും നിരോധിത പാന്‍ ഉത്പന്നങ്ങളും വില്‍പ്പന നടത്തിയ സംഭവത്തില്‍ നാലുപേരെ മഞ്ചേരി സിഐ എന്‍ബി ഷൈജു, എസ് ഐ റിയാസ് ചാക്കീരി എന്നിവരുടെ നേതൃത്വത്തില്‍ പ്രത്യേക അന്വേഷണ സംഘം പിടികൂടി. പയ്യനാട് കാരേപ്പറമ്പ് മൊയ്തീന്‍, കോളേജ്കുന്ന് കോര്‍മ്മത്ത് അസ്ഹറുദ്ദീന്‍, പയ്യനാട് കരിമ്പനക്കല്‍ അന്‍ലപത്ത്, കോവിലകംകുണ്ട് തറയില്‍ അബ്ദുല്‍നാസര്‍ എന്നിവരാണ് അറസ്റ്റിലായത്. മഞ്ചേരി ടൗണില്‍ നിലമ്പൂര്‍ റോഡില്‍ സിറ്റി ലൈറ്റ് ഹോട്ടലിന് മുന്‍വശത്തെ രണ്ട് പെട്ടി കടകളില്‍ നിന്നും കുട്ടിപ്പാറയിലെ ഒരു കടയില്‍ നിന്നും ആണ് നിരോധിത പാന്‍ ഉത്പന്നങ്ങള്‍ പിടിച്ചെടുത്തത്. ടൗണിലെ ഈ രണ്ട് കടകളില്‍ നിന്നും മൂന്ന് വര്‍ഷത്തിനുള്ളില്‍ 15 തവണയിലധികം പാന്‍ ഉത്പന്നങ്ങള്‍ പിടിച്ചെടുത്തതായി പൊലീസ് പറഞ്ഞു. പാന്‍ഉല്‍പ്പന്നങ്ങള്‍ എത്തിച്ചു നല്‍കിയ മൊത്ത വിതരണക്കാരും നിരീക്ഷണത്തിലാണ്. കഞ്ചാവുമായി പയ്യനാടുള്ള ഓട്ടോ ഡ്രൈവറാണ് പിടിയിലായത്.
Saturday, November 23, 2024
കഞ്ചാവും നിരോധിത പുകയില ഉല്‍പ്പന്നങ്ങളും: നാലുപേര്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: