തൃശൂര്: സാമ്പത്തിക സംവരണം എന്ന തെറ്റായ തീരുമാനം പിന്വലിക്കണമെന്ന് എസ്.എന്.ഡി.പി.യോഗം തൃശൂര് യൂണിയന് പ്രമേയത്തിലൂടെ ആവശ്യപ്പെട്ടു.
സാമ്പത്തികമായി പിന്നോക്കം നില്ക്കുന്ന മുന്നോക്ക ജാതിക്കാര്ക്ക് മാത്രം ലഭിക്കുന്ന സംവരണം തത്വത്തില് മുന്നോക്ക ജാതി സംവരണമാകും. ജാതിയില് മുന്നോക്കം നില്ക്കുന്നതിന്റെ പേരില് സംവരണം എന്നത് തലതിരിഞ്ഞ തീരുമാനമാണെന്നും ഭരണഘടനാ വിരുദ്ധമാണെന്നും എസ്.എന്.ഡി.പി.യോഗം തൃശൂര് യൂണിയനില് പെടുന്ന ശാഖാ ഭാരവാഹികളുടെ യോഗം ഉദ്ഘാടനം ചെയ്ത് യോഗം അസി.സെക്രട്ടറി കെ.വി.സദാനന്ദന് പറഞ്ഞു. യോഗത്തില് യൂണിയന് പ്രസിഡന്റ് ഐ.ജി.പ്രസന്നന് അദ്ധ്യക്ഷത വഹിച്ചു.
ശിവഗിരി ഗുരുദേവ പ്രതിഷ്ഠയുടെ കനക ജൂബിലി ആഘോഷത്തിന്റെ ഭാഗമായി ശിവഗിരി മഠവും എസ്.എന്.ഡി.പി.യോഗവും സംയുക്തമായി നടത്തുന്ന ദിവ്യജ്യോതി പ്രയാണത്തിന് ഡിസംബര് 16ന് തെക്കേ ഗോപുരനടയില് നല്കുന്ന സ്വീകരണത്തിന് തൃശൂര് യൂണിയനില് നിന്നും 3500 പ്രവര്ത്തകരെ പങ്കെടുപ്പിക്കും. പുല്ലഴി വടക്കുംമുറി ശാഖാ പ്രസിഡന്റ് സുബ്രഹ്മണ്യന് ഭദ്രദീപം തെളിയിച്ചു.
കേന്ദ്ര വനിതാ സംഘം സെക്രട്ടറി അഡ്വ.സംഗീത വിശ്വനാഥ് സ്വാഗതം പറഞ്ഞു. യോഗം ഡയറക്ടര് ബോര്ഡ് മെമ്പര് കെ.വി.വിജയന്, യൂത്ത് മൂവ്മെന്റ് ജില്ലാ പ്രസിഡന്റ് എന്.വി.രഞ്ജിത്ത് വനിതാ സംഘം പ്രസിഡന്റ് ഷീബ സുരേഷ്, സെക്രട്ടറി സജിനി അനില്കുമാര്, കൗണ്സിലര്മാരായ ഇന്ദിരാദേവി ടീച്ചര്, പി.വി.വിശ്വേശ്വരന്, എന്.വി.മോഹന്ദാസ്, എം.എസ്.ജിതിന്, കെ.ആര്.ഉണ്ണികൃഷ്ണന്, യൂത്ത് മൂവ്മെന്റ് സെക്രട്ടറി കെ.കെ.സതീഷ്, ജില്ലാ കമ്മിറ്റിയംഗം കെ.എ.മനോജ് കുമാര് എന്നിവര് പ്രസംഗിച്ചു. യൂണിയന് വൈസ് പ്രസിഡന്റ് ടി.ആര്.രഞ്ചു നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: