കാക്കനാട്: മാനസികനില തെറ്റിയ യുവാവിന്റെ പരാക്രമത്തില്‍ തിരക്കേറിയ സീപോര്‍ട്ട് എയര്‍പോര്‍ട്ട് റോഡില്‍ ഗതാഗതം സ്തംഭിച്ചത് ഒരുമണിക്കൂറോളം. ഗതാഗത കുരുക്കില്‍ വീര്‍പ്പ് മുട്ടുന്ന സീപോര്‍ട്ട് റോഡില്‍ ബുധനാഴ്ച രാവിലെ പത്തരയോടെയാണ് സംഭവം.റോഡിന് നടുവിലേക്കിറങ്ങിയ യൂവാവ് വാഹനങ്ങളില്‍ അടിച്ചും ഇടിച്ചും തകര്‍ക്കാര്‍ ശ്രമിച്ചു. കറുത്ത മുണ്ടും ഷര്‍ട്ടുമായിരുന്നു വേഷം. ഷര്‍ട്ട് ഊരി വലിച്ചെറിഞ്ഞ യുവാവ് വാഹന ഗതാഗതം തടപ്പെടുത്തി. റോഡിന് നടവിലൂടെ പരാക്രമം കാട്ടിയ ഇയാളെ രക്ഷിക്കാനുള്ള ശ്രമത്തില്‍ വാഹനങ്ങള്‍ വെട്ടിച്ച് ഒതുക്കാനുളള ശ്രമത്തില്‍ പലരും തലനാരിഴക്കാണ് അപകടത്തില്‍ നിന്ന് രക്ഷപ്പെട്ടത്. ആലപ്പുഴ സ്വദേശിയായ യുവാവാണ് അക്രമം കാണിച്ചതെന്ന് പോലിസ് പറഞ്ഞു. ഇയാളുടെ കൈവശം ഉണ്ടായിരുന്ന ആദാര്‍ കാര്‍ഡിലും ഡ്രൈവിങ് ലൈസന്‍സില്‍ നിന്നും ലഭിച്ച വിവരത്തിന്റെ അടിസ്ഥാനത്തില്‍ പോലിസ് വീട്ടില്‍ അറിയിച്ചിട്ടുണ്ട്.
Thursday, November 28, 2024
ഗതാഗതം മുടങ്ങി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: