കൊച്ചി: ആലുവ റോളര്‍ സ്‌കേറ്റിങ്ങ് ക്ലബ്ബിന്റെ ആഭിമുഖ്യത്തില്‍ നടത്തിയ 14-മത് ഇന്റര്‍ സ്‌കൂള്‍ സ്‌കേറ്റിങ്ങ് മത്സരത്തില്‍ 184 പോയിന്റോടെ ഞാറയ്‌ക്കല്‍ പബ്ലിക് സ്‌കൂള്‍ ചാമ്പ്യന്‍ഷിപ്പ് ട്രോഫി കരസ്ഥമാക്കി. 110 പോയിന്റ് നേടിയ കൊടുങ്ങല്ലൂര്‍ ഭാരതീയ വിദ്യാഭവന്‍ വിദ്യാമന്ദിര്‍ രണ്ടാം സ്ഥാനവും 75 പോയിന്റോടെ നോര്‍ത്ത് പറവൂര്‍ ഇന്‍ഫന്റ് ജീസസ് പബ്ലിക് സ്‌കൂള്‍ മൂന്നാം സ്ഥാനവും നേടി. ആലുവ യുസി കോളേജ് സ്‌പോര്‍ട്‌സ് ഓഡിറ്റോറിയത്തിലായിരുന്നു മത്സരങ്ങള്‍. ആലുവ റോളര്‍ സ്‌കേറ്റിങ്ങ് പ്രസിഡന്റും യുസി കോളേജ് മുന്‍ പ്രിന്‍സിപ്പളുമായ ഡോ.വര്‍ഗ്ഗീസ് ജോണ്‍ ചാമ്പ്യന്‍ഷിപ്പ് ഉദ്ഘാടനം ചെയ്തു.19 സ്‌കൂളുകളില്‍ നിന്നായി ഇരുന്നൂറോളം കുട്ടികള്‍ ചാമ്പ്യഷിപ്പില്‍ പങ്കെടുത്തു. ജനസേവ ശിശുഭവന്‍ ചെയര്‍മാന്‍ ജോസ് മാവേലി വിജയികള്‍ക്ക് ട്രോഫി സമ്മാനിച്ചു.
പ്രതികരിക്കാൻ ഇവിടെ എഴുതുക: