കളമശേരി: എറണാകുളം ഗവ.മെഡിക്കല്‍ കോളേജ് ആശുപത്രിയിലെ ഡോക്ടര്‍മാര്‍ വെള്ളിയാഴ്ച സൂചന പണിമുടക്ക് നടത്തുമെന്ന് മെഡിക്കല്‍ കോളേജ് ഡോക്ടേഴ്‌സ് അസോസിയേഷന്‍ പ്രസിഡന്റ് ഡോ. സി എച്ച് നസീം. സഹകരണ വകുപ്പില്‍ നിന്ന് ഏറ്റെടുത്ത ശേഷം അര്‍ഹമായ ആനുകൂല്യങ്ങള്‍ തടഞ്ഞുവയ്‌ക്കുകയും ശമ്പള വര്‍ധനവ് നടപ്പാക്കാതിരിക്കുകയും ചെയ്യുന്നതില്‍ പ്രതിഷേധിച്ചാണ് സമരം.
ഈ മാസം 20 ന് കൂട്ട അവധി എടുക്കാനാണ് ഉദ്ദേശിക്കുന്നതെന്നും അദ്ദേഹം പറഞ്ഞു. 2013 ഡിസംബര്‍ 17 മുതല്‍ ആരോഗ്യ വകുപ്പ് ഏറ്റെടുത്ത ശേഷം നിരവധി തവണ മുഖ്യമന്ത്രി, ആരോഗ്യമന്ത്രി, ആരോഗ്യ വിദ്യാഭ്യാസ ഡയറക്ടര്‍, ആരോഗ്യ വിഭാഗം സെക്രട്ടറി തുടങ്ങിയവരെ കണ്ട് പ്രശ്‌നങ്ങള്‍ പറഞ്ഞിട്ടും ഫലമുണ്ടായില്ല. ഇതിനെ തുടര്‍ന്നാണ് കൂട്ട അവധി യെടുക്കുന്നതെന്നും സംഘടന അറിയിച്ചു.
പ്രതികരിക്കാൻ ഇവിടെ എഴുതുക: