ഒറ്റപ്പാലം:വിദ്യാര്‍ത്ഥി യുവജന സംഘടനകള്‍ തമ്മില്‍ ഉണ്ടായ സംഘര്‍ഷത്തില്‍ രണ്ട് പേര്‍ അറസ്റ്റില്‍.നാന്നൂറിലധികം പേര്‍ക്കെതിരെ പോലീസ് കേസ്.പോലീസുകാരനെ കല്ലെറിഞ്ഞ് പരിക്കേല്‍പ്പിച്ച കേസില്‍ യൂത്ത് കോണ്‍ഗ്രസ്സ് പ്രവര്‍ത്തകരായ തോട്ടക്കര മുക്കാട്ടില്‍ അബ്ദുള്‍ അന്‍ഷിഫ്(21), പുലാക്കല്‍ സിദ്ദിഖ്(37)എന്നിവരെയാണ് അറസ്റ്റ് ചെയ്തത്.
ഇവരെ റിമാന്‍ഡ് ചെയ്തു.സംഘര്‍ഷവുമായി ബന്ധപ്പെട്ട് മൂന്ന് കേസുകളിലായി കണ്ടാലറിയാവുന്ന നാന്നൂറോളം യൂത്ത് കോണ്‍ഗ്രസ്സ്,ഡിവൈഎഫ്‌ഐ പ്രവര്‍ത്തകര്‍ക്കെതിരെയാണ് കേസെടുത്തത്.പോലീസിന്റെ ഔദ്യോഗിക കൃത്യനിര്‍വഹണം തടസ്സപ്പെടുത്തിയത് ഉള്‍പ്പെടെയുള്ള വകുപ്പുകള്‍ പ്രകാരം കണ്ടാലറിയാവുന്ന അമ്പതോളം പേര്‍ക്കെതിരെയാണ് ഒരു കേസ്.
ഡിവൈഎഫ്‌ഐ, യൂത്ത്‌കോണ്‍ഗ്രസ്സ് പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ ഉള്‍പ്പെട്ട കണ്ടാലറിയാവുന്ന നാന്നൂറോളം പേര്‍ക്കെതിരെയും,സംഘര്‍ഷത്തിലേക്ക് നയിച്ച എസ്എഫ്‌ഐ പ്രവര്‍ത്തകനെ മര്‍ദ്ദിച്ചെന്ന പരാതിയില്‍ കണ്ടാലറിയാവുന്ന പതിനഞ്ചോളം പേര്‍ക്കെതിരെയും കേസെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: