വടക്കഞ്ചേരി:കിഴക്കഞ്ചേരി കോട്ടേക്കുളം ഒടുകിന്‍ചുവട്ടില്‍ കൊച്ചുപറമ്പില്‍ ജോയിയുടെ പശുകുട്ടിയെ പുലി കൊന്നു തിന്നു.
ബുധനാഴ്ച പുലര്‍ച്ചെയാണ് സംഭവം. തൊഴുത്തിന് മുന്നില്‍ കെട്ടിയിരുന്ന പശുകുട്ടിയെയാണ് ആക്രമിച്ചത്. പുലിയുടെ കാല്‍പ്പാടുകളും ഇവിടെയുണ്ടായിരുന്നു. ഫോറസ്റ്റര്‍ മോഹന്‍ദാസിന്റെ നേതൃത്വത്തില്‍ വനപാലകര്‍ സ്ഥലത്തെത്തി പരിശോധന നടത്തി.
ഒരു മാസം മുന്‍പും ഈ പ്രദേശത്ത് പുലി ഇറങ്ങി വളര്‍ത്തു മൃഗങ്ങളെ കൊന്നിട്ടുണ്ട്. റബ്ബര്‍ ടാപ്പിംഗ് തൊഴിലാളികള്‍ കൂടുതലായിട്ടുള്ള പ്രദേശമായതിനാല്‍ അതിരാവിലെ ടാപ്പിംഗ് ജോലിക്കിറങ്ങേണ്ടവര്‍ ഇപ്പോള്‍ ഭീതിയിലാണ്.
പ്രതികരിക്കാൻ ഇവിടെ എഴുതുക: