കല്ലടിക്കോട്:വിദ്യാര്‍ത്ഥികളെ കയറ്റാതെ സ്വകാര്യ ബസുകാര്‍ മരണപ്പാച്ചില്‍ നടത്തുന്നു. കല്ലിടക്കോട്ടെ പ്രധാന ജംഗ്ഷനായ ടി.ബി ജംഗ്ഷനിലാണ് വിദ്യാര്‍ത്ഥികള്‍ ബസിനു പുറകില്‍ ഓടുന്നത് സ്ഥിരം കാഴ്ചയാവുന്നത്. .വിദ്യാര്‍ത്ഥികളും യാത്രക്കാരും സ്ഥിരമായി നിക്കാറുള്ള ഇവിടെ യാത്രക്കാരെ മാത്രം കയറ്റി വിദ്യാര്‍ത്ഥികളെ തള്ളിമാറ്റുകയും ചില ബസുകാര്‍ നിശ്ചിത എണ്ണം വിദ്യാര്‍ത്ഥികളെ മാത്രം കയറ്റുകയുമാണ് ചെയ്യുന്നത്.
കോഴിക്കോട് പാലക്കാട് ബസുകളാണ് ഇങ്ങനെ പെരുമാറുന്നതെന്നും കണ്‍സഷന്‍ നല്‍കാതെ വിദ്യാര്‍ത്ഥികളെ പീഡിപ്പിക്കുകയും ചെയ്യുന്നുണ്ടെന്നും പരാതി ഉയര്‍ന്നത്. എന്നാല്‍ ലോക്കല്‍ സര്‍വ്വീസ് നടത്തുന്ന ചില ബസുകള്‍ വിദ്വാര്‍ത്ഥികളുമായി നല്ല സഹകരണത്തിലാണെന്നും പറയുന്നു. ടി.ബി. ബസ്്‌സറ്റോപ്പിനോട് ചേര്‍ന്നാണ് പോലീസ് സ്റ്റേഷന്‍ ഉള്ളത്. എന്നിട്ടും ലോങ്ങ് സര്‍വ്വീസ് ബസുകള്‍ വിദ്യാര്‍ത്ഥികളോട് ഇത്തരത്തില്‍ പെരുമാറുമ്പോള്‍ പോലീസിന്റെ ഭാഗത്തുനിന്നും യാതൊരുവിധനടപടിയുണ്ടാകുന്നില്ലെന്നും വിദ്യാര്‍ത്ഥികള്‍ ആരോപിച്ചു.
പ്രതികരിക്കാൻ ഇവിടെ എഴുതുക: