കൊച്ചി: സ്റ്റാര്‍ട്ടപ്പുകളെ പ്രോത്സാഹിപ്പിക്കാന്‍ ഗ്ലോബല്‍ സ്റ്റാര്‍ട്ടപ്പ് ഇക്കോസിസ്റ്റം/ ഇന്‍ക്യു സ്പാര്‍ക്ക് ഓഫ് ഇന്നവേഷന്‍ കോണ്‍ക്ലേവ് ഇന്ന് കൊച്ചിയിലെ ഹോട്ടല്‍ ക്രൗണ്‍ പ്ലാസയില്‍ നടക്കും. കേരള സ്റ്റാര്‍ട്ടപ്പ് മിഷന്‍, ടൈ കേരള, കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രി (സിഐഐ) എന്നിവയുടെ സഹകരണത്തോടെയാണ് പരിപാടി.
രാവിലെ 11.20ന് കെഎസ്‌ഐഡിസി ചെയര്‍മാന്‍ ക്രിസ്റ്റി ഫെര്‍ണാണ്ടസ് ഉദ്ഘാടനം ചെയ്യും. ഓസ്‌ട്രേലിയയിലെ ഹ്യുമെന്‍സ് ഇന്‍ക്, സിഡ്‌നി സ്റ്റാര്‍ട്ടപ്പ്‌സിലെ സ്‌കോട്ട് ഒബ്രിയന്‍ മുഖ്യപ്രഭാഷണം നടത്തും. കേരള സ്റ്റാര്‍ട്ടപ്പ് മിഷന്‍ എംഡി ഡോ. സജി ഗോപിനാഥ്, ഇസാഫ് ബാങ്ക് എംഡി കെ. പോള്‍ തോമസ്, ടൈ കേരള പ്രസിഡന്റ് രാജേഷ് നായര്‍, ഇന്‍ക്യു ഇന്നവേഷന്‍ കോ ഡയറക്ടറും ഇന്‍ഡല്‍ കോര്‍പ്പറേഷന്‍ ഡയറക്ടറുമായ ഉമേഷ് മോഹന്‍ തുടങ്ങിയവര്‍ പങ്കെടുക്കും.
പ്രതികരിക്കാൻ ഇവിടെ എഴുതുക: