സ്വന്തം ലേഖകന്
കട്ടപ്പന: 20,50,100 എന്നീ തുകകളിലുള്ള മുദ്രപ്പത്രങ്ങള് കിട്ടാനില്ല.നെടുങ്കണ്ടം ട്രഷറിയുടെ ഡിപ്പോയില് നിന്നാണ് ജില്ലയുടെ വിവിധ മേഖലകളിലേക്ക് മുദ്രപ്പത്രങ്ങള് വിതരണം ചെയുന്നത്. നിലവില് ഇവിടെ സ്റ്റോക്ക് ഇല്ലായെന്ന മറുപടിയാണ് അധികൃതരില് നിന്നും ലഭിക്കുന്നത്. വിദ്യാഭ്യാസ ആവശ്യങ്ങള്ക്ക് 100 രൂപയുടെ മുദ്രപ്പങ്ങ്രളാണ് ഉപയോഗിക്കുന്നത്. ഇതിനാണ് എപ്പോള് ആവശ്യക്കാര് ഏറെയും.
ജനന മരണ സര്ട്ടിഫിക്കറ്റുകള്ക്ക് പഞ്ചായത്തില് 20 രൂപയുടെയും നഗരസഭയില് 50 രൂപയുടെയും മുദ്രപ്പത്രങ്ങളാണ് ഉപയോഗിക്കുന്നത്.
ഇതും കിട്ടാനില്ല.100 രൂപയുടെ പത്രങ്ങള് കിട്ടാതായിട്ട് രണ്ടാഴ്ച പിന്നിടുകയാണ്. പഞ്ചായത്തില് നിന്നും നഗരസഭകളില് നിന്നും വീട് അനുവദിച്ചവര്ക്കും മുദ്ര പത്രം ആവശ്യമാണ്,കൂടാതെ സ്ഥലം കൈമാറ്റം,വാഹന കൈമാറ്റം, വാടക ചീട്ട് മറ്റ് സര്ട്ടിഫിക്കറ്റുകള് എന്നിവയ്ക്കും മുദ്രപ്പത്രങ്ങള് ആവശ്യമാണെന്നിരിക്കെ ഇപ്പോള് അനുഭവപ്പെടുന്ന ക്ഷാമം ആധാരം എഴുത്തുകാരെയും പ്രതിസന്ധിയിലാക്കുകയാണ്. 20 രൂപയുടെ മുദ്രപ്പത്രങ്ങള് ആവശ്യമുള്ളിടത്ത് 50 രൂപയുടെ പത്രം മേടിക്കേണ്ട അവസ്ഥയിലാണ് ഇടപാടുകാര്.
നെടുങ്കണ്ടം ട്രഷറിയിലേക്ക് തിരുവനന്തപുരം ഡിപ്പോയില് നിന്നാണ് മുദ്രപ്പത്രങ്ങള് എത്തുന്നത്.എപ്പോള് മുദ്രപ്പത്രങ്ങള് ലഭിക്കുമെന്ന് അറിയിപ്പ് കിട്ടിയിട്ടില്ലായെന്നാണ് അധികൃതര് നല്കുന്ന മറുപടി.
പ്രതികരിക്കാൻ ഇവിടെ എഴുതുക: