കാസര്‍കോട്: ബദിയടുക്കയില്‍ പ്രവര്‍ത്തിക്കുന്ന പട്ടികജാതി വികസന വകുപ്പിന്റെ ആണ്‍കുട്ടികളുടെ പ്രീമെട്രിക് ഹോസ്റ്റല്‍ പ്രവേശനോത്സവം ജൂണ്‍ ഒന്നിന് നടക്കും. നിലവില്‍ പഠിച്ചുകൊണ്ടിരിക്കുന്നതും പുതുതായി പ്രവേശനം നേടിയ വിദ്യാര്‍ത്ഥികളും രക്ഷിതാക്കളോടൊപ്പം അന്ന് രാവിലെ 8.30 ന് ഹാജരാകണം. അമ്പത് വിദ്യാര്‍ത്ഥികളെ പ്രവേശിപ്പിക്കുന്നതിന് സൗകര്യമുളള ഈ ഹോസ്റ്റലില്‍ 15 സീറ്റ് ഒഴിവുണ്ട്.
ഈ വര്‍ഷം അഞ്ച് മുതല്‍ 10 വരെ ക്ലാസ്സുകളില്‍ പഠിക്കുന്ന പട്ടികജാതി വിദ്യാര്‍ത്ഥികള്‍ക്ക് അപേക്ഷിക്കാം. ഇവരുടെ അഭാവത്തില്‍ പട്ടികവര്‍ഗത്തില്‍പെട്ടവരെയും പരിഗണിക്കും. ഭക്ഷണ -താമസ-പഠന സൗകര്യങ്ങള്‍ സൗജന്യം. പ്രതിമാസ പോക്കറ്റ് മണിയും മികച്ച അധ്യാപകരുടെ ട്യൂഷന്‍ സംവിധാനവുമുണ്ട്.
കലാകായിക കഴിവുകള്‍ പരിപോഷിപ്പിക്കുന്നതിന് പ്രത്യേക സംവിധാനമുണ്ട്. യൂണിഫോം, നൈറ്റ്ഡ്രസ് തുടങ്ങി ചെലവുകളും വകുപ്പ് വഹിക്കും. ഹോസ്റ്റലിന് തൊട്ടടുത്തായി സ്ഥിതി ചെയ്യുന്ന നവജീവന ഹൈസ്‌കൂള്‍, പെര്‍ഡാല ഹൈസ്‌കൂള്‍ എന്നിവിടങ്ങളിലാണ് സ്‌കൂള്‍ പഠനം. പ്രവേശനം ആഗ്രഹിക്കുന്നവര്‍ 31 നകം ബ്ലോക്ക് പട്ടികജാതി വികസന ഓഫീസര്‍ക്ക് അപേക്ഷ സമര്‍പ്പിക്കണം,. ഫോണ്‍ 9446040629.
പ്രതികരിക്കാൻ ഇവിടെ എഴുതുക: