കാസര്‍കോട്: കാസര്‍കോട്, കാഞ്ഞങ്ങാട്, നീലേശ്വരം നഗരസഭകള്‍ തുറസ്സായ സ്ഥലത്തെ വെളിയിട വിസര്‍ജ്ജന മുക്ത നഗരസഭകളായി പ്രഖ്യാപിച്ചതിന്റെ അടിസ്ഥാനത്തില്‍ ജില്ല സമ്പൂര്‍ണ്ണ ഒ ഡി എഫ് ജില്ലയായി മാര്‍ച്ച് 29 ന് കാസര്‍കോട് ജില്ലാ കളക്ടര്‍ കെ ജീവന്‍ ബാബു പ്രഖ്യാപിച്ചു.
തുറസ്സായ സ്ഥലത്തെ മലമൂത്ര വിസര്‍ജ്ജന മുക്തമാക്കുന്നതിനുള്ള ഒ ഡി എഫ് ക്യാമ്പയിന്റെ ഭാഗമായി കാസര്‍കോട് നഗരസഭയില്‍ 190 ഗുണഭോക്തൃ കക്കൂസുകളും കാഞ്ഞങ്ങാട് നഗരസഭയില്‍ 273 ഉം നീലേശ്വരം നഗരസഭയില്‍ 282 ഉം കക്കൂസുകളടക്കം മൊത്തം കാസര്‍കോട് ജില്ലയില്‍ മൂന്ന് നഗരസഭകളിലായി 745 വ്യക്തിഗത കക്കൂസുകളാണ് നിര്‍മ്മിച്ചത്.
കാഞ്ഞങ്ങാട്, നീലേശ്വരം നഗരസഭകള്‍ ഈ മാസം 10-ാം തീയതിയും കാസര്‍കോട് നഗരസഭ 28-ാം തീയതിയുമാണ് ഒ ഡി എഫ് പ്രഖ്യാപനം നടത്തിയത്.ഈ പ്രഖ്യാപനത്തോടു കൂടി കാസര്‍കോട് ജില്ല സംസ്ഥാനത്തെ ഒ ഡി എഫ് പ്രഖ്യാപിക്കുന്ന അഞ്ചാമത്തെ ജില്ലയായി.
പ്രതികരിക്കാൻ ഇവിടെ എഴുതുക: