കാസര്‍കോട്: എസ്.എന്‍.ഡി.പി.യോഗം പ്രവര്‍ത്തകരുടെ കലാവാസനകള്‍ പ്രോത്സാഹിപ്പിക്കുന്നതോടൊപ്പം ഗുരുദേവ കൃതികളും സന്ദേശങ്ങളും ഓരോ ഹൃദയങ്ങളിലേക്ക് പകര്‍ന്നു നല്‍കുക എന്ന ലക്ഷ്യം മുന്‍നിര്‍ത്തി പോഷകസംഘടനയായ വനിതാസംഘത്തിന്റെ നേതൃത്വത്തില്‍ കലോത്സവം 2017 നടത്തുവാന്‍ തീരുമാനിച്ചു. 14 ന് രാവിലെ 10 മണിക്ക് കൂഡ്‌ലു ഗോപാലകൃഷ്ണ ഹൈസ്‌കൂളിലാണ് പരിപാടി സംഘടിപ്പിക്കുന്നത്.
ചിത്ര രചന മത്സരം, പ്രബന്ധ മത്സരം, പ്രസംഗ മത്സരം, നൃത്ത്യാവിഷ്‌ക്കാരം എന്നീ മത്സരങ്ങള്‍ നടത്തും. 3.30 ന് നടക്കുന്ന സമാപന സമ്മേളനം വനിതാസംഘം കേന്ദ്ര സമിതി അംഗം ശാന്താ കൃഷ്ണന്‍ ഉദ്ഘാടനം ചെയ്യും.
യേഗത്തില്‍ യൂണിയന്‍ പ്രസിഡണ്ട് നാരായണന്‍ മഞ്ചേശ്വരം, യൂണിയന്‍ സെക്രട്ടറി ഗണേഷ് പാറക്കട്ട, വൈസ് പ്രസിഡണ്ട് എ.ടി.വിജയന്‍, യോഗം ഡയറക്ടര്‍ അഡ്വ.പി.കെ.വിജയന്‍, വെള്ളുങ്ങന്‍ മാസ്റ്റര്‍, മോഹനന്‍ മീപ്പുഗിരി, ലതാ മന്നിപ്പാടി, മോഹിനി ഹരീഷ്, മിനിമോള്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: