തൃശൂര്: ജില്ലാ സഹകരണ ബാങ്ക് ഡയറക്ടര് ബോര്ഡില് എ വിഭാഗത്തിനു ലഭിച്ച സീറ്റില് പി.എ.മാധവന് വിഭാഗം നിര്ദ്ദേശിച്ച സ്ഥാനാര്ഥിയെ ഐ ഗ്രൂപ്പ് വെട്ടി. ബാങ്ക് പുതിയ ഭരണസമിതിയംഗങ്ങളുടെ നാമനിര്ദേശത്തില് മൂന്ന് സ്ഥാനങ്ങളിലേക്ക് ഒഴിവുവന്നതില് രണ്ടുപേര് ഐ വിഭാഗത്തിനും ഒന്ന് എ യ്ക്കും അവകാശപ്പെട്ടതാണ്. ഈ സ്ഥാനത്തേക്ക് കോര്പറേഷന് മുന് കൗണ്സിലര് ബൈജുവര്ഗീസിന്റെ പേരാണ് പി.എ.മാധവന് നിര്ദ്ദേശിച്ചിരുന്നത്. എന്നാല് ഇതു വെട്ടി നടത്തറ സര്വീസ് സഹ.ബാങ്ക് ഡയറക്ടര് മൃദുല രാമചന്ദ്രന്റെ പേര് തീരുമാനിച്ചു. എ ഗ്രൂപ്പിലെ മുന് ഡി.സി.സി പ്രസിഡന്റായ ഒ.അബ്ദുറഹിമാന്കുട്ടിയുടെ അറിവോടെയാണ് ഈ നീക്കം ഐ ഗ്രൂപ്പ് നടത്തിയതെന്നാണ് ആക്ഷേപം.
ജില്ലാ ബാങ്കിന്റെ വൈസ് പ്രസിഡന്റ് കൂടിയായ സി.ഐ.സെബാസ്റ്റ്യനെ പോലും ഈ നീക്കം അറിയിച്ചില്ലത്രെ. ഐ വിഭാഗത്തിന്റെ നോമിനികളായി ചേലക്കരയില് നിന്നുളള നിര്മലയും ചന്ദ്രിക ശിവദാസും തെരഞ്ഞെടുക്കപ്പെട്ടു. മൃദുലയുടെ പേര് നിര്ദേശിച്ചതിന് എതിരേ സെബാസ്റ്റ്യനും മറ്റൊരു ഡയറക്ടറും വിയോജനകുറിപ്പു നല്കി.
പ്രതികരിക്കാൻ ഇവിടെ എഴുതുക: