പത്തനംതിട്ട: അയോധ്യയിലെ രാമജന്മസ്ഥാനില്‍ക്ഷേത്രം പണിയുക എന്നത് ഭാരതീയരുടെ ആത്മാഭിമാനത്തിന്റെ കാര്യമാണെന്നും സോമനാഥ ക്ഷേത്രം പുനര്‍നിര്‍മ്മിച്ച രീതിയില്‍ അയോധ്യയിലെ ക്ഷേത്രം പുനര്‍നിര്‍മ്മിക്കണമെന്നും വിശ്വഹിന്ദ് പരിഷത് സംസ്ഥാന പ്രസിഡന്റ് എസ്.ജെ.ആര്‍.കുമാര്‍ ആവശ്യപ്പെട്ടു. പെരുനാട് പ്രഖണ്ഡ് സമിതിയും സത്സംഗവും ഉത്ഘാടനം ചെയ്യുകയായിരുന്നു അദ്ദേഹം.
പ്രഖണ്ഡ് പ്രസിഡന്റ് എം.ആര്‍.സദന്‍പിള്ളയുടെ നേതൃത്വത്തില്‍ സത്സംഗം നടന്നു. വിഎച്ച്പി ജില്ലാപ്രസിഡന്റ് റ്റി.ആര്‍. ബാലചന്ദ്രന്റെ അധ്യക്ഷതയില്‍ കൂടിയ യോഗത്തില്‍ ജില്ലാ സെക്രട്ടറി വി.എന്‍. സജികുമാര്‍, സംഘടനാ സെക്രട്ടറി കെ. ആര്‍ ഗോപാലകൃഷ്ണന്‍, ആര്‍എസ്എസ് താലൂക്ക് കാര്യവാഹ് ആര്‍.സുബീഷ്, വടശ്ശേരിക്കര വിഎച്ച്പി പ്രഖണ്ഡ് സെക്രട്ടറി കെ.കെ, സഹദേവന്‍, ഉമേഷ് വി. ഉത്തമന്‍, പി.എസ്. ഗംഗാധരന്‍നായര്‍, ദുര്‍ഗ്ഗാവാഹിനി താലൂക്ക് പ്രമുഖ് സുധ അനില്‍, ഗീത എസ്.പിള്ള, ആനന്ദം എസ്. പിള്ള, കെ. ആനന്ദവല്ലിയമ്മ, ആര്‍. ഇന്ദിര, രാധാ.എസ്.പിള്ള എന്നിവര്‍ സംസാരിച്ചു. ശ്രീരാമനവമി ജില്ലാ സമ്മേളനത്തിന് പ്രഖണ്ഡില്‍ നിന്നും രണ്ടായിരം പേരെ പങ്കെടുപ്പിക്കാന്‍ തീരുമാനിച്ചു.
പ്രതികരിക്കാൻ ഇവിടെ എഴുതുക: