തൃശൂര്: ഫെബ്രുവരി 20 മുതല് 28 വരെ തൃശൂരില് നടക്കുന്ന അന്തര്ദ്ദേശീയ നാടകോത്സവത്തിന്റെ ഓണ്ലൈന് ടിക്കറ്റ് ബുക്കിംഗ് ഫെബ്രുവരി 13-ാം തീയതി 10 മണി മുതല് ംംം.വേലമേൃലളല െശേ്മഹസലൃമഹമ. രീാ എന്ന വെബ്സൈറ്റില് ലഭ്യമാവുന്നതാണ്. മൊത്തം ടിക്കറ്റിന്റെ 30 ശതമാനം മാത്രമാണ് ഓണ്ലൈനിലൂടെ വിതരണം ചെയ്യുന്നത്. ഒരാള്ക്ക് ഒരു ദിവസം ഏതെങ്കിലും മൂന്ന് അവതരണങ്ങളുടെ ‘ടിക്കറ്റ് മാത്രമേ ബുക്ക് ചെയ്യാന് കഴിയുകയുള്ളൂ. ഒരു നാടകത്തിന്റെ പരമാവധി രണ്ട് ടിക്കറ്റുകളാണ് ഒരാള്ക്ക് ഓണ്ലൈനില് ലഭ്യമാവുക. ഓണ്ലൈന് ബുക്ക് ചെയ്തവര്ക്കുള്ള ടിക്കറ്റുകള് അക്കാദമി ഓഫീസില് നിന്ന് ഫെബ്രുവരി 18-ാം തീയതി രാവിലെ 11 മണി മുതല് ലഭ്യമാകുന്നതാണ്. നാടകങ്ങള് തുടങ്ങുന്നതിന് അരമണിക്കൂര് മുന്മ്പെങ്കിലും ടിക്കറ്റുകള് കൈപ്പറ്റേണ്ടതാണ്. അല്ലാത്തപക്ഷം ഓണ്ലൈന് ബുക്കിംഗ് ക്യാന്സല് ആകുന്നതായിരിക്കും. പത്തിലധികം വേദികളിലായി നടക്കുന്ന ഇറ്റ്ഫോക്ക് 2017 ല് ഭരത് മുരളി തിയേറ്റര്, കെ.ടി. മുഹമ്മദ് സ്മാരക തിയേറ്റര്, തോപ്പില് ഭാസി ബ്ലാക്ക് ബോക്സ് തിയേറ്റര്, സിം തിയേറ്റര് എന്നീ നാല് വേദികളിലെ അവതരണത്തിനു മാത്രമേ ടിക്കറ്റ് നിയന്ത്രണമുള്ളൂ. അവശേഷിക്കുന്ന വേദികളിലേക്ക് പ്രവേശനത്തിന് ടിക്കറ്റിന്റെ ആവശ്യമില്ല.
പ്രതികരിക്കാൻ ഇവിടെ എഴുതുക: