വടക്കാഞ്ചേരി: വരവൂര് മേഖലയില് ബ്ലേഡ് മാഫിയയുടെ അക്രമണം. സ്ഥലം കൈയ്യേറുകയും, മരങ്ങള് മുറിച്ച് കടത്തുകയും ചെയ്തു. ചോദിക്കാന് ചെന്ന വയോധികയെയും മരുമകളേയും സംഘം മര്ദ്ദിച്ചു. പിലാക്കാട് ചാത്തംകുളം മരക്കാര് ഭാര്യ ഫാത്തിമ്മ(76), മരുമകള് ജമീല(48) എന്നിവര്ക്കാണ് മര്ദ്ദനമേറ്റത്. ഇവരെ വടക്കാഞ്ചേരിയിലെ സ്വകാര്യ ആശുപത്രിയില് പ്രവേശിപ്പിച്ചു. ഫാത്തിമയുടെ മകന് അബ്ദുള്ഖാദര് പാഞ്ഞാള് സ്വദേശികളായ സോമന്, സേതുമാധവന്, ജോസ് എന്നിവരില് നിന്ന് തവണകളായി നാല് ലക്ഷം രൂപ വരെ വായ്പയായി വാങ്ങിയിരുന്നു. ഇതില് ഒരു ലക്ഷം രൂപ തിരിച്ച് കൊടുത്തു ബാക്കി തുക പലിശയടക്കം ലക്ഷങ്ങളായപ്പോള് പത്ത് സെന്റ് സ്ഥലം നല്കാമെന്ന് ധാരണയുമായിരുന്നു. എന്നാല് ഇത്പോരെന്ന് പറഞ്ഞ് അബ്ദുള്ഖാദര് വീട്ടില് ഇല്ലാത്ത സമയത്ത് പറമ്പിലെ മരങ്ങള് മുറിച്ചു ഭീകരാന്തരീക്ഷം സൃഷ്ടിച്ച് വിട്ടിലുളളവരെ അക്രമിച്ചതായാണ് പരാതി. പോലീസ് കേസെടുത്തു അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: