കല്‍പ്പറ്റ : കേന്ദ്ര ബജറ്റ് വയനാട്ടുകാര്‍ക്ക് ഏറെ പ്രതീക്ഷ നല്‍കുന്നതാണെന്ന് ഭാരതീയ ജനതാപാര്‍ട്ടി ജില്ലാ പ്രസിഡണ്ട് സജി ശങ്കര്‍ പറഞ്ഞു.
കാര്‍ഷിക മേഖലയ്‌ക്കും, ഭവന നിര്‍മ്മാണത്തിനും, ആദിവാസി ക്ഷേമത്തിനും, ന്യൂനപക്ഷ ക്ഷേമത്തിനും പ്രത്യേക പരിഗണന നല്‍കിയ ബജറ്റ് യുവജനങ്ങള്‍ക്ക് തൊഴില്‍ വാഗ്ദാനം ചെയ്യുന്നതിലും ശ്രദ്ധയൂന്നിയിട്ടുണ്ട്. വയനാടിന്റെ വികസന മുരടിപ്പ് മാറ്റുന്നതിന് ഏറെ ഗുണകരമാകും. ബജറ്റ് റെയില്‍വേക്ക് പ്രത്യേക പരിഗണന നല്‍കിയതും വയനാടിന് പ്രതീക്ഷ നല്‍കുന്ന നടപടിയായി. രണ്ട് വര്‍ഷത്തിനുള്ളില്‍ ഒരു കോടി വീടുകള്‍ എന്ന പ്രഖ്യാപനം ഏറെ ഗുണപ്രദമാകുന്നത് ഗ്രാമീണ മേഖലയിലെ പാവപ്പെട്ടവര്‍ക്കാണ്. ബജറ്റ് കള്ളപ്പണക്കാര്‍ക്കും പൂഴ്‌ത്തിവെപ്പുകാര്‍കാര്‍ക്കും താക്കീതായി മാറി. സ്വതന്ത്ര ഭാരതത്തിലെ ഏറ്റവും മികച്ച ജനപ്രിയ ബജറ്റാണിതെന്നും അദ്ദേഹം പറഞ്ഞു.
കള്ളപ്പണക്കാര്‍ക്കും പൂഴ്‌ത്തിവെപ്പുകാര്‍ക്കും താക്കീതായി മാറിയ ബജറ്റാണെന്ന് യുവമോര്‍ച്ച ജില്ല പ്രസിഡണ്ട് അഖില്‍ പ്രേം സി. കള്ളപ്പണക്കാര്‍ക്കെതിരെ ധീരമായ നിലപാടാണ് കേന്ദ്ര സര്‍ക്കാര്‍ ബജറ്റിലൂടെ പ്രഖ്യാപിച്ചിരിക്കുന്നത്. രാഷ്‌ട്രീയ പാര്‍ട്ടികള്‍ രണ്ടായിരം രൂപയില്‍ കൂടുതല്‍ സംഭാവന പണമായി സ്വീകരിക്കാന്‍ പാടില്ല എന്നു പറയുന്നു. കൂടാതെ യുവാക്കളുടെ ക്ഷേമത്തിന് ഊന്നല്‍ നല്‍കുന്ന ബജറ്റാണ് കേന്ദ്രത്തിന്റേത്. യുവാക്കളുടെ തൊഴില്‍ പരിശീലനത്തിനായി രണ്ടായിരത്തി ഇരുന്നൂറ് കോടി രൂപയാണ് അനുവദിച്ചിട്ടുള്ളതെന്നത് സന്തോഷകരമാണ്.
പ്രതികരിക്കാൻ ഇവിടെ എഴുതുക: