കല്‍പ്പറ്റ : സംസ്ഥാനത്ത് ക്ഷേമ പെന്‍ഷനുകള്‍ റദ്ദാക്കിയ പിണറായി സര്‍ക്കാറിന്റെ നടപടി പ്രതിഷേധാര്‍ഹമാണെന്ന് ഭാരതീയ ജനതാ പാര്‍ട്ടി വയനാട് ജില്ലാ കമ്മിറ്റി.
വിധവകള്‍, കര്‍ഷകത്തൊഴിലാളികള്‍ ,വയോജനങ്ങള്‍, അവിവാഹിതരായ അമ്മമാര്‍ തുടങ്ങി അഞ്ചര ലക്ഷം സാധാരണക്കാരാ യവരുടെ പെന്‍ഷനാണ് ഇടതുപക്ഷ സര്‍ക്കാര്‍ റദ്ദാക്കിയിരിക്കുന്നത്.
എല്ലാം ശരിയാക്കാമെന്ന് പറഞ്ഞ് അധികാരത്തിലെത്തിയവര്‍ കേരളത്തിലെ പാവങ്ങളെയാണ് ശരിയാക്കിക്കൊണ്ടിരിക്കുന്നത്. ഈ കൊടും വഞ്ചനയ്‌ക്ക് മുഖ്യമന്ത്രി മറുപടി പറയണമെന്നും യോഗം ആവശ്യപ്പെട്ടു.
ഭാരതീയ ജനതാ പാര്‍ട്ടി ജില്ലാ പ്രസിഡണ്ട് സജി ശങ്കര്‍ അധ്യക്ഷത വഹിച്ചു.
ജനറല്‍ സെക്രട്ടറി മാ രായ പി.ജി.ആനന്ദ്കുമാര്‍, കെ.മോഹന്‍ദാസ് തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: