മീനങ്ങാടി : ജനുവരി ആറിന് പാലക്കാട് നടക്കുന്ന ഖേലോ-ഇന്ത്യ സംസ്ഥാന ഖോ-ഖോ മത്സരങ്ങളില്‍ പങ്കെടുക്കുവാനുള്ള വയനാട് ജില്ലാ ടീം തെരെഞ്ഞെടുപ്പ് ജനുവരി നാലിന് രാവിലെ 10 മണി മുതല്‍ മീനങ്ങാടി പഞ്ചായത്ത് സ്റ്റേഡിയത്തില്‍ നടത്തപ്പെടുമെന്ന് ബന്ധപ്പെട്ടവര്‍ അറി യിച്ചു.
ആണ്‍കുട്ടികള്‍ക്കും, പെണ്‍കുട്ടികള്‍ക്കുമായി 17 വയസ്സിനു താഴെ പ്രായമുള്ളവര്‍ (1-1-2000 ത്തിനോ അതിനു ശേഷമോ ജനിച്ചവര്‍), 14 വയസ്സിനു താഴെ പ്രായമുള്ളവര്‍ (1-1-2003 ത്തിനോ അതിനു ശേഷമോ ജനിച്ചവര്‍) എന്നീ രണ്ടു വിഭാഗങ്ങളിലായാണ് ജില്ലാ ടീം തെരെഞ്ഞെടുപ്പ്.
പങ്കെടുക്കുവാന്‍ ആഗ്രഹിക്കുന്നവര്‍ ഹെഡ്മാസ്റ്റര്‍/പ്രിന്‍സിപ്പാള്‍ സക്ഷ്യപ്പെടുത്തിയ വയസ്സ്, താമസ സ്ഥലം എന്നിവ തെളിയിക്കുന്ന യോഗ്യത പത്രം സഹിതം നാലിന് രാവിലെ പത്ത് മണിക്കു മുമ്പായി മീനങ്ങാടി പഞ്ചായത്ത് സ്റ്റേഡിയത്തില്‍ എത്തിച്ചേരേണ്ടതാണെന്ന് ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി അറിയിച്ചു.
പ്രതികരിക്കാൻ ഇവിടെ എഴുതുക: