നടവയല്‍ : ജനുവരി ഏഴിന് പിരപ്പന്‍കോട് അന്താരാഷ്‌ട്ര സ്വിമ്മിംഗ് പൂളില്‍ നടത്തപ്പെടുന്ന ഖേലോ-ഇന്ത്യ സംസ്ഥാന നീന്തല്‍ മത്സരങ്ങളില്‍ പങ്കെടുക്കുവാനുള്ള വയനാട് ജില്ലാ ടീം തെരെഞ്ഞെടുപ്പ് ജനുവരി നാല് രാവിലെ 10 മണി മുതല്‍ നടവയല്‍ ചെല്ലിവില്ല സ്വിമ്മിംഗ് അക്കാഡമിയില്‍ നടത്തും.
17 വയസ്സിനു താഴെ പ്രായമുള്ളവര്‍ (1-1-2000ത്തിനോ അതിനു ശേഷമോ ജനിച്ചവര്‍), 14 വയസ്സിനു താഴെ പ്രായമുള്ളവര്‍ (1-1-2003 ത്തിനോ അതിനു ശേഷമോ ജനിച്ചവര്‍) എന്നീ രണ്ടു വിഭാഗങ്ങളിലായാണ് ജില്ലാ ടീം തെരെഞ്ഞെടുപ്പ്.
17 വയസ്സിനു താഴെ പ്രായമുള്ളവരുടെ വിഭാഗത്തില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കുമായി 50,100 മീറ്റര്‍ ഫ്രീസ്റ്റെയില്‍, 100 മീറ്റര്‍ ബേക്ക് സ്‌ട്രോക്ക്, 100 മീറ്റര്‍ ബ്രസ്റ്റ് സ്‌ട്രോക്ക്, 100 മീറ്റര്‍ ബട്ടര്‍ ഫ്‌ളൈയ് സ്‌ട്രോക്ക്, 200 മീറ്റര്‍ ഐ.എം., 4 ഃ 50 മീറ്റര്‍ ഫ്രീസ്റ്റെല്‍ റിലെ എന്നീ ഇനങ്ങളിലും, 14 വയസ്സിനു താഴെ പ്രായമുള്ളവരുടെ വിഭാഗത്തില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കുമായി 50 മീറ്റര്‍ ഫ്രീസ്റ്റെയില്‍, 50 മീറ്റര്‍ ബേക്ക് സ്‌ട്രോക്ക്, 50 മീറ്റര്‍ ബ്രസ്റ്റ് സ്‌ട്രോക്ക്, 50 മീറ്റര്‍ ബട്ടര്‍ ഫ്‌ളൈയ് സ്‌ട്രോക്ക്, 4 ഃ 50 മീറ്റര്‍ ഫ്രീസ്റ്റെല്‍ റിലെ എന്നീ ഇനങ്ങളിലുമാണ് ടീം തെരെഞ്ഞെടുപ്പ്.
പങ്കെടുക്കുവാന്‍ ആഗ്രഹിക്കുന്നവര്‍ ഹെഡ്മാസ്റ്റര്‍/പ്രിന്‍സിപ്പാള്‍ സക്ഷ്യപ്പെടുത്തിയ വയസ്സ്, താമസ സ്ഥലം എന്നിവ തെളിയിക്കുന്ന യോഗ്യത പത്രം സഹിതം നാലിന് രാവിലെ 10 മണിക്കു മുമ്പായി നടവയല്‍ ചെല്ലിവില്ല സ്വിമ്മിംഗ് അക്കാഡമിയില്‍ എത്തിച്ചേരേണ്ടതാണെന്ന് ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി അറിയിച്ചു.
പ്രതികരിക്കാൻ ഇവിടെ എഴുതുക: