കല്‍പ്പറ്റ : ഡിജിറ്റല്‍ സാമ്പത്തികസാക്ഷരത പരിപാടിയോടനുബന്ധിച്ച് കറന്‍സ്സിലെസ്സ് ഡിജിറ്റല്‍ വയനാട് എന്ന വിഷയത്തില്‍ നടത്തുന്ന ജില്ലാതലശില്പശാല ഇന്ന്‌രാവിലെ 10മുതല്‍ കളക്‌ട്രേറ്റ് കോഫറന്‍സ്ഹാളില്‍ നടക്കും. ഡിജിറ്റല്‍ ഇന്ത്യയുടെ ഭാഗമായി അക്ഷയ പ്രൊജക്ട് ജില്ലാ ഓഫീസിന്റെയും വികാസ്പീഡിയ കേരളയുടെയും ലീഡ് ബാങ്കിന്റെയും സംയുക്താഭിമുഖ്യത്തിലാണ് ശില്പശാല. അക്ഷയ സംരംഭകര്‍, വികാസ്പീഡിയ വോളണ്ടിയര്‍മാര്‍, സാമ്പത്തിക സാക്ഷരത പ്രവര്‍ത്തകര്‍, ബാങ്കിംഗ് മേഖലയിലെയും വ്യാപാരമേഖലയിലെയും പ്രതിനിധികള്‍ എന്നിവര്‍ ശില്പശാലയില്‍ പങ്കെടുക്കും. രാവിലെ 10 ന് ജില്ലാ പഞ്ചായത്ത് പ്രസിഡണ്ട് വി. ഉഷാകുമാരിയുടെ അദ്ധ്യക്ഷതയില്‍ ജില്ലാ കലക്ടര്‍ ബി.എസ് തിരുമേനി പരിപാടി ഉദ്ഘാടനം ചെയ്യും. ലീഡ് ബാങ്ക് മാനേജര്‍ ശ്യാമള, ജില്ലാ പ്ലാനിംഗ് ഓഫീസര്‍ സോമസുന്ദര ലാല്‍, എന്‍.ഐ.സി മാനേജര്‍ സൈമ, അക്ഷയ പ്രൊജക്ട് ജില്ലാ മാനേജര്‍ ജെറിന്‍ സി ബോബന്‍, വികാസ്പീഡിയ സ്‌റ്റേറ്റ് കോഡിനേറ്റര്‍ സി.വി ഷിബു, മര്‍ച്ചന്റ്‌സ് അസോസിയേഷന്‍ സെക്രട്ടറി ഒ.വി വര്‍ഗ്ഗീസ്, പഞ്ചായത്ത് ഡെപ്യൂട്ടി ഡയറക്ടര്‍ തുടങ്ങിയവര്‍ പ്രസംഗിക്കും. ഡിജിറ്റല്‍ ബാങ്കിംഗ് രംഗത്തെ വിദഗ്ദരും കോമ സര്‍വ്വീസ് സെന്ററിലെയും ഇഗവേണന്‍സ് സര്‍വ്വീസിലെയും വിദഗ്ദരും ക്ലാസ്സുകള്‍ നയിക്കും.
പ്രതികരിക്കാൻ ഇവിടെ എഴുതുക: