കൊച്ചി: മലയാള സിനിമ ഇൻഡസ്ട്രിയിലെ പ്രമുഖ മ്യൂസിക് ലേബൽ ആയ Muzik247 (മ്യൂസിക്247), മാസ്റ്റർ ഗൗരവ് മേനോനും ബേബി മീനാക്ഷിയും അഭിനയിക്കുന്ന ‘കോലുമിട്ടായി’യിലെ ഗാനങ്ങൾ റിലീസ് ചെയ്തു. ചിത്രത്തിലെ നാല് ഗാനങ്ങൾക്കും സംഗീതം നൽകിയിരിക്കുന്നത് ശ്രീരാജ് സഹജനാണ്. ബി.കെ ഹരിനാരായണൻ മൂന്ന് ഗാനങ്ങളും ലക്ഷ്മി എണ്ണപ്പാടം ഒരു ഗാനവും രചിച്ചിട്ടുണ്ട്.
ഋത്വിക് എസ്. ചന്ദ്, വൈശാഖ് സി. മാധവ്, വൈശാഖ് പി. കെ, ശ്രീരാജ് സഹജന്‍, ശ്രേയ ജയദീപ് എന്നിവര്‍ ഗാനം ആലപിച്ചിരിക്കുന്നു. അരുൺ വിശ്വം സംവിധാനം നിർവഹിച്ച ‘കോലുമിട്ടായി’യിൽ ബാലതാരങ്ങളായ ഗൗരവ് മേനോൻ, മീനാക്ഷി എന്നിവര്‍ക്ക് പുറമെ നായിഫ് നൗഷാദ്, ആകാശ്, സിദ്ധാർത്ഥ്, റോഷൻ എന്നിവർ അഭിനയിച്ചിട്ടുണ്ട്. സൈജു ഗോവിന്ദ കുറുപ്പ്,കലാഭവൻ പ്രജോദ്, ദിനേശ് പ്രഭാകർ, കൃഷ്ണ പ്രഭ, അഞ്ജലി ഉപാസന തുടങ്ങിയവരും കഥാപാത്രങ്ങളായി എത്തുന്നു.
ഛായാഗ്രഹണം സന്തോഷ് അണിമയും ചിത്രസംയോജനം സുനീഷ് സെബാസ്റ്റ്യനുമാണ് നിർവഹിച്ചിരിക്കുന്നത്. ചിത്രം ഒക്ടോബർ 28ന് തീയേറ്ററുകളിലെത്തുന്ന ‘കോലുമിട്ടായി’ നിർമ്മിച്ചിരിക്കുന്നത് ക്രയോൺസ് പിക്ചേഴ്സാണ്. ചിത്രത്തിന്റെ കഥ ഒരുക്കിയത് അഭിജിത്ത് അശോകനും.
പ്രതികരിക്കാൻ ഇവിടെ എഴുതുക: