ഇരിങ്ങാലക്കുട : കാര്‍ഷിക വികസന ബാങ്ക് പ്രസിഡണ്ടായിരുന്ന എസിഎസ് വാര്യര്‍ മരണപ്പെട്ടതിനെതുടര്‍ന്ന് പുതിയ പ്രസിഡണ്ട് സ്ഥാനത്തേക്ക് ഗ്രൂപ്പ് വടംവലി തുടരുന്നു. നിലവിലെ വൈസ് പ്രസിഡണ്ടും കെ.പി.സി.സി മെമ്പറും സൂധീരന്‍ ഗ്രൂപ്പുമായ ഐ.കെ.ശിവജ്ഞാനം, ഐ ഗ്രൂപ്പുകാരനും കാറളം മണ്ഡലം പ്രസിഡണ്ടുമായ പൊയ്യാറ തിലകന്‍, ഡിസിസി സെക്രട്ടറിയും മുന്‍കാട്ടൂര്‍ ബ്ലോക്ക് കോണ്‍ഗ്രസ് പ്രസിഡണ്ടുമായിരുന്ന കെ.കെ.ശോഭനന്‍ എന്നിവരാണ് പ്രസിഡണ്ട് സ്ഥാനത്തിനുവേണ്ടി രംഗത്തുള്ളത്. ഐ.കെ.ശിവജ്ഞാനം നീണ്ടകാലം ബാങ്കിന്റെ വൈസ്പ്രസിഡണ്ടായി പ്രവര്‍ത്തിച്ചുവരികയാണ്. കെ.പി.സി.സി പ്രസിഡണ്ടിന്റെയും കെ.പി.വിശ്വനാഥന്റെയും പിന്തുണ ശിവജ്ഞാനത്തിനാണ്. എന്നാല്‍ ഐ ഗ്രൂപ്പിന്റെ പ്രസിഡണ്ടാണ് ബാങ്ക് ഭരിച്ചുകൊണ്ടിരുന്നത്. അതുകൊണ്ടുതന്നെ പ്രസിഡണ്ട് സ്ഥാനം ഐ ഗ്രൂപ്പിന് കിട്ടണമെന്ന് അവര്‍ വാദിക്കുന്നു. ഇരിങ്ങാലക്കുടയില്‍ എ-ഐ ഗ്രൂപ്പ് പോര് ഇതിന്റെ പേരില്‍ മൂര്‍ച്ചിക്കുകയാണ്. നീണ്ടകാലം ബാങ്ക് മാതൃകാപരമായി ഉന്നതിയിലെത്തിച്ച എസിഎസ് വാര്യരുടെ മരണശേഷം ബാങ്ക് കൈയ്യടക്കാന്‍ നടക്കുന്ന ഗ്രൂപ്പുകളികള്‍ ബാങ്കിനെ നശിപ്പിക്കുമെന്നാണ് കോണ്‍ഗ്രസ് പ്രവര്‍ത്തകര്‍ തന്നെ പറയുന്നത്.
Monday, February 24, 2025
കാര്‍ഷിക വികസനബാങ്കില്‍ പ്രസിഡണ്ടിനായി ഗ്രൂപ്പ് വടംവലി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: