പെരിന്തല്‍മണ്ണ: കഴിഞ്ഞ ബുധനാഴ്ച ആനമങ്ങാട് നടന്ന വാഹനാപകടത്തില്‍ മരിച്ച മജീദിന്റെ കുടുംബത്തിന് കൈത്തങ്ങായി ഒരു നാട് മുഴുവന്‍ രംഗത്തെത്തി.
പാചകത്തില്‍ വിദഗ്ധനായിരുന്നു നജീബ്. ഏറെ നാളായി ഗള്‍ഫിലായിരുന്നു. പക്ഷേ, ആകസ്മികമായെത്തിയ മരണം കവര്‍ന്നെടുത്തത് രുചിക്കൂട്ടുകള്‍ ഒരുക്കിയ മജീദിനെ മാത്രമല്ല ഒരു കുടുംബത്തിന്റെ അത്താണിയായ മനുഷ്യനെ തന്നെയാണ്. സ്വന്തമായൊരു വീട് എന്നത് മജീദിന്റെ സ്വപ്‌നമായിരുന്നു. അതിനായി തറയും കെട്ടി. അദ്ധ്വാനിച്ചുണ്ടാക്കിയ തുകക്കൊപ്പം ചില ചിട്ടികളും പിടിച്ചാണ് പണി തുടങ്ങിയത്. അപ്പോഴാണ് ക്ഷണിക്കാത്ത അതിഥിയായി മരണമെത്തിയത്. എന്നാല്‍ മജീദിന്റെ ഭാര്യയേയും നാല് കുട്ടികളേയും അവഗണിക്കാന്‍ നാട്ടുകാര്‍ തയ്യാറായില്ല. സര്‍വകക്ഷി യോഗം ചേര്‍ന്ന് മജീദിന്റെ കുടുംബത്തിനെ സഹായിക്കാന്‍ തീരുമാനമെടുത്തു. വീട് പണി പൂര്‍ത്തീകരിക്കണം, കടങ്ങള്‍ വീട്ടണം, കുട്ടികള്‍ക്ക് വിദ്യാഭ്യാസം നല്‍കണം ഇവയാണ് കൂട്ടായ്മയുടെ ലക്ഷ്യങ്ങള്‍.
ഇതിനായി പി.ഹൈദര്‍ അലി, കെ.അബ്ബാസ് എന്നിവരുടെ പേരില്‍ ചെര്‍പ്പുളശ്ശേരി എസ്ബിടിയില്‍ ജോയിന്റ് അക്കൗണ്ടും ആരംഭിച്ചു. അക്കൗണ്ട് നമ്പര്‍: 67370243580.
പ്രതികരിക്കാൻ ഇവിടെ എഴുതുക: