ഫിലാഡല്‍ഫിയ: കോപ്പ അമേരിക്ക ഫുട്‌ബോളില്‍ യുഎസ് ക്വാര്‍ട്ടറില്‍. ഗ്രൂപ്പ് എയിലെ അവസാന കളിയില്‍ പരാഗ്വയെ എതിരില്ലാത്ത ഒരു ഗോളിനു കീഴടക്കിയാണ് ആതിഥേയര്‍ അവസാന എട്ടിലിടം നേടിയത്. 27-ാം മിനിറ്റില്‍ ക്ലിന്റ് ഡെംപ്‌സി സ്‌കോറര്‍.
മത്സരത്തിന്റെ രണ്ടാം പകുതിയില്‍ ഡിയാന്‍ഡ്രെ യെഡ്‌ലിന്‍ ചുവപ്പുകാര്‍ഡു കണ്ട് പുറത്തുപോയി പത്തുപേരായി ചുരുങ്ങിയെങ്കിലും ലീഡ് നിലനിര്‍ത്തി മുന്നേറി യുഎസ്. ആദ്യ കളിയില്‍ കൊളംബിയയോടേറ്റ തോല്‍വിക്കു ശേഷം കോസ്റ്ററിക്കയെ കീഴടക്കി തിരിച്ചെത്തിയിരുന്നു യുഎസ്. ഒരു മത്സരം പോലും ജയിക്കാതെയാണ് പരാഗ്വെ മടങ്ങുന്നത്. കോസ്റ്ററിക്കയോടു നേടിയ സമനില മാത്രം അവരുടെ നേട്ടം.
പ്രതികരിക്കാൻ ഇവിടെ എഴുതുക: