തിരുവല്ല: അയല്‍വാസിയെ മര്‍ദ്ദിച്ച് കൊലപ്പെടുത്തിയ കേസില്‍ ഒളിവിലായിരുന്ന രണ്ട് പ്രതികള്‍ അറസ്റ്റില്‍. പരുമല കാട്ടില്‍ കിഴക്കേതില്‍ ഫ്രാന്‍സിസ് ബ്രൂണോ(51) യെ കൊലപ്പെടുത്തിയ കേസിലെ രണ്ടാം പ്രതി പരുമല പുത്തന്‍പുരയ്‌ക്കല്‍ പി.പി ജോണ്‍ (56), മൂന്നാം പ്രതി മകന്‍ ജെന്നി പി ജോണ്‍(29) എന്നിവരെയാണ് ശനിയാഴ്‌ച്ച രാത്രി ഹരിപ്പാട് പളളിപ്പാടിലെ ബന്ധുവീട്ടില്‍് നിന്നും പിടികൂടിയത്.കേസിലെ ഒന്നാം പ്രതിയും അറസ്റ്റിലായ പി.പി ജോണിന്റെ അനുജനുമായ പി.പി ആന്റണി സംഭവ ദിവസം തന്നെ പിടിയിലായിരുന്നു. മാര്‍ച്ച് 29 നാണ് കേസിന് ആസ്പദമായ സംഭവം നടന്നത്. മരണപ്പെട്ട ഫ്രാന്‍സിസും പ്രതികളുമായി പരുമല ജംഗഷന് സമീപം വെച്ച് നടന്ന സംഘര്‍ഷത്തെ തുടര്‍ന്ന് പരുക്കേറ്റ ഫ്രാന്‍സിസിനെയും മൂന്നാം പ്രതി ജെന്നി പി ജോണിനെയും പരുമലയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. തുടര്‍ന്ന് ആശുപത്രിയില്‍ വെച്ച് നടന്ന സംഘര്‍ഷത്തില്‍ തലയ്‌ക്ക് ഗുരുതര പുരുക്കേറ്റ ഫ്രാന്‍സിസിന്റെ നില മോശമായതിനെ തുടര്‍ന്ന് ഈ മാസം നാലിന് കോട്ടയം മെഡിക്കല്‍ കോളേജിലേക്ക് മാറ്റുകയും 14 ന് മരണം സംഭവിക്കുകയുമായിരുന്നു. അറസ്റ്റിലായ പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
Monday, November 25, 2024
അയല്‍വാസിയെകൊലപ്പെടുത്തിയ കേസില്‍ ഒളിവിലായിരുന്ന രണ്ട് പ്രതികള്‍ അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: