ചട്ടഞ്ചാല്‍: ചട്ടഞ്ചാല്‍ കാവുംപള്ളം ശ്രീ ധര്‍മ്മസാസ്താ ജന മന്ദിരം 25 ഓളം വരുന്ന മുസ്ലിം തീവ്രവാദികള്‍ ആക്രമിച്ചു. ഇന്നലെ വൈകുന്നേരം 7.30നായിരുന്നു സംഭവം. ശബരിമലക്ക് പോകാനായി വ്രതമെടുത്ത് മാലയിട്ട അയ്യപ്പന്‍മാര്‍ ഭജനക്ക് ഒരുങ്ങവേയായിരുന്നു മുസ്ലിം തീവ്രവാദ സംഘം മന്ദിരം അക്രമിച്ചത്. ബൈക്കുകളില്‍ 25ഓളം പേരടങ്ങുന്ന സംഘം ബഹളമുണ്ടാക്കി ഭജന മന്ദിരത്തിലെത്തി അക്രമിക്കുന്ന ശബ്ദം കേട്ട് പുറത്തിറങ്ങിയ സമീപവീടുകളിലെ സ്ത്രീകളടക്കമുള്ളവരെയും ഇവര്‍ കയ്യേറ്റം ചെയ്തു. കാവുംപള്ളം നാരായണന്റെ മകന്‍ ഗിരീഷ് (28), കാവുപള്ളത്തെ രാജന്റെ ഭാര്യ മാധവി (57), മാധവിയുടെ മകന്‍ നിശാന്ത് (27), രോഹിണി (55) എന്നിവര്‍ക്കാണ് പരിക്കേറ്റത്. ഇതില്‍ ഗിരീഷിന്റെ പരിക്ക് ഗുരുതരമാണ്. ഫാറൂഖ്, റഷീദ് പൊയിനാച്ചി, റാഷി, ജംഷാദ് തുടങ്ങിയ 25ഓളം വരുന്ന മുസ്ലിം തീവ്രവാദ സംഘമാണ് ഭജന മന്ദിരത്തിന് നേരെ അക്രമമഴിച്ചുവിട്ടത്.
അയ്യപ്പന്‍മാരായ പ്രദീപ് (25), അനില്‍ (36) എന്നിവര്‍ക്കും പരിക്കേറ്റിട്ടുണ്ട്. സംഭവമറിഞ്ഞ് സ്ഥലത്തെത്തിയ പോലീസ് അവിടെയുണ്ടായിരുന്ന അയ്യപ്പന്‍മാരെ കൊണ്ട് മന്ദിരത്തിനകത്തെ ചോരപ്പാടുകള്‍ കഴുകി വൃത്തിയാക്കിപ്പിച്ചു. ഇത് ചെയ്തതിലൂടെ അക്രമിസംഘത്തിന് കൂട്ടുനിന്ന് തെളിവുകള്‍ നശിപ്പിച്ച് സംബവം ഒതുക്കി തീര്‍ക്കുന്നതിനുള്ള ശ്രമമാണ് പോലീസിന്റെ ഭാഗത്തു നിന്നും ഉണ്ടായത്. സംഭവമറിഞ്ഞ് അയ്യപ്പന്‍മാര്‍ ഭജന മന്ദിരത്തിലേക്ക് എത്തുന്നതിന് മുമ്പേ തെളിവുകള്‍ നശിപ്പിച്ച പോലീസ് നടപടി ഭജന മന്ദിരം അക്രമിച്ച മുസ്ലിം തീവ്രവാദികളെ രക്ഷിക്കുന്നതിന് വേണ്ടിയാണെന്ന് ബിജെപി നേതാക്കള്‍ പറഞ്ഞു.
സമാധാനാന്തരീക്ഷം നിലനില്‍ക്കുന്ന പ്രദേശത്ത് ജനങ്ങളുടെ സൗര്യവിഹാരത്തിന് തടസ്സമുണ്ടാക്കി ഭീതി ജനിപ്പിക്കാനാണ് ഇവരുടെ ശ്രമം. മനപൂര്‍വ്വം സമാധാനാന്തരീക്ഷം തകര്‍ത്ത് വര്‍ഗ്ഗീയ കലാപങ്ങള്‍ ഉണ്ടാക്കാന്‍ മുസ്ലിംലീഗ് നേതാക്കളുടെ പിന്തുണയോടെയാണ് ഈ സംഘം അക്രമണം നടത്തിയതെന്ന് ബിജെപി നേതാക്കള്‍ പറഞ്ഞു. ചട്ടഞ്ചാല്‍ പ്രദേശത്ത് കുറച്ചുകാലങ്ങളായി കഞ്ചാവ് അടക്കമുള്ള ലഹരി മരുന്ന് മാഫിയയുടെ ശല്യം വര്‍ദ്ധിച്ചുവരുന്നതായി പ്രദേശവാസികള്‍ പറഞ്ഞു.
പ്രതികരിക്കാൻ ഇവിടെ എഴുതുക: