കണ്ണൂര്‍: രാഷ്ട്രവിരുദ്ധ പ്രസ്ഥാനങ്ങള്‍ക്കും, മതതീവ്രവാദ സംഘടനകള്‍ക്കുമെതിരെ പോരാടാന്‍ ആര്‍എസ്എസ് പ്രതിജ്ഞാബദ്ധമാമെന്ന് ആര്‍എസ്എസ് വിഭാഗ് കാര്യകാരി സദസ്യന്‍ ഒ.രാഗേഷ് പറഞ്ഞു. കണ്ണൂര്‍ പള്ളിക്കുന്നില്‍ മതതീവ്രവാദികള്‍ വെട്ടിക്കൊലപ്പെടുത്തിയ സ്വര്‍ഗീയ സച്ചിന്‍ ഗോപാല്‍ അനുസ്മരണ സാംഘിക്കില്‍ സംസാരിക്കുകയായിരുന്നു രാഗേഷ്. രാഷ്‌ട്രീയ സ്വയംസേവക സംഘത്തിന്റെ പ്രവര്‍ത്തന ചരിത്രം തന്നെ രാഷ്ട്രവിരുദ്ധ ശക്തികള്‍ക്കെതിരായ പോരാട്ടമാണ്. നൂറുകണക്കിന് സ്വയം സേവകര്‍ക്ക് സ്വന്തം ജീവന്‍ ബലിയര്‍പ്പിക്കേണ്ടി വന്നിട്ടുണ്ട്. കേരളത്തില്‍ കമ്മ്യൂണിസ്റ്റുകളുടെയും മതതീവ്രവാദികളുടെയും എതിര്‍പ്പിനെ അതിജീവിച്ചാണ് സംഘപ്രവര്‍ത്തനം മുന്നോട്ട് പോകുന്നത്. ദേശഭക്തിയും സ്വഭാവശുദ്ധിയുമുള്ള ഒരു സമാജത്തെ സൃഷ്ടിക്കലാണ് സംഘത്തിന്റെ ദൗത്യം.
എബിവിപി ക്ഷേത്രീയ സംഘടനാ സെക്രട്ടറി ആനന്ദ് രഘുനാഥ്, ബിജെപി ജില്ലാ അധ്യക്ഷന്‍ കെ.രഞ്ജിത്ത്, ആര്‍എസ്എസ് താലൂക്ക് സംഘചാലക് എ.നാരായണന്‍ മാസ്റ്റര്‍, വിഭാഗ് കാര്യകാരി സദസ്യന്‍ സജീവന്‍ മാസ്റ്റര്‍, ജില്ലാ കാര്യകാരി സദസ്യന്‍ കെ.ബി.പ്രജില്‍, വിഭാഗ് പ്രചാരക് ഗിരീഷ്, ജില്ലാ പ്രചാരക് രഞ്ജിത്ത് എന്നിവര്‍ പരിപാടിയില്‍ പങ്കെടുത്തു.
രാവിലെ പയ്യാമ്പലത്തെ ബലികുടീരത്തില്‍ നടന്ന പുഷ്പാര്‍ച്ചനയില്‍ എബിവിപി ക്ഷേത്രീയ സംഘടനാ സെക്രട്ടറി ആനന്ദ് രഘുനാഥ്, ആര്‍എസ്എസ് താലൂക്ക് സംഘചാലക് എ.നാരായണന്‍ മാസ്റ്റര്‍, എബിവിപി നേതാക്കളായ ജിതിന്‍ രഘുനാഥ്, കെ.രഞ്ജിത്ത്, പ്രേംസായി തുടങ്ങിയവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: