കണ്ണൂര്‍: കണ്ണൂര്‍ ഋഷിദേവ് സേവാ കേന്ദ്രത്തിന്റെയും വലിയന്നൂര്‍ മഹാദേവി ക്ഷേത്രത്തിന്റെയും സംയുക്താഭിമുഖ്യത്തില്‍ വലിയന്നൂര്‍ മഹാദേവി ക്ഷേത്രസന്നിധിയില്‍ 13 ന് നടക്കുന്ന ഏകദിന അധ്യാത്മിക പഠനശിബിരത്തിന്റെയും ശക്തിവേദ ഭൈഷജ്യ മഹാഹോമത്തിന്റെയും നടത്തിപ്പിനായി സ്വാഗതസംഘം രൂപീകരിച്ചു.
36 തരം ഔഷധങ്ങളും 9 തരം സസ്യ എണ്ണകളും ഉപയോഗിച്ച് നടത്തുന്ന അതിവിശിഷ്ടമായ ശക്തിവേദ ഭൈഷജ്യ മഹാഹോമത്തില്‍ ശക്തിവേദ വെല്‍നസ്സ് മിഷന്റെ സ്ഥാപകാചാര്യനും അഞ്ച് ഭൈഷജ്യ മഹായാഗങ്ങലില്‍ മുഖ്യകാര്‍മ്മികത്വം വഹിച്ചയാളുമായ ഋഷിദേവ് നരേന്ദ്രന്‍ജി മുഖ്യകാര്‍മ്മികത്വം വഹിക്കും.
സ്വാഗതസംഘം ഭാരവാഹികളായി പി.നാരായണന്‍ മാസ്റ്റര്‍-ചെയര്‍മാന്‍, പി.പി.ഗോപാലന്‍ നമ്പ്യാര്‍-വൈസ് ചെയര്‍മാന്‍, കെ.പി.സന്തോഷ്-കണ്‍വീനര്‍, പി.എം.പ്രേമരാജന്‍-ജോയന്റ് കണ്‍വീനര്‍ എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: