ചെന്നൈ: റിലീസ് ചെയ്ത ആദ്യ ദിനത്തില്‍ ബാഹുബലി നേടിയത് 50 കോടി. ആദ്യ ദിവസം 44.97 കോടി നേടിയ ഷാരൂഖ് ഖാന്റെ ഹാപ്പി ന്യൂ ഇയര്‍ എന്ന സിനിമയുടെ റിക്കാര്‍ഡാണ് ബാഹുബലി തകര്‍ത്തത്. ഒന്‍പതാം തീയതിയാണ് ദക്ഷിണ ഭാരതത്തില്‍ ഒന്നടങ്കം ബാഹുബലി റിലീസ് ചെയ്തത്. തെലുങ്കിലും തമിഴിലുമാണ് പ്രധാനമായും ചലച്ചിത്രം നിര്‍മ്മിച്ചിട്ടുള്ളത്.ഹിന്ദിഡബ്ബിംഗ് ആദ്യ ദിവസം നേടിയത് 5.15 കോടിയാണ്.
പുരാതന ഭാരതത്തിലെ ബാഹുബലിയുടെ കഥയുടെ ചിത്രീകരണമാണിത്.വ്യാഴാഴ്ച 4000 കേന്ദ്രങ്ങളിലാണ് ചിത്രം റിലീസ് ചെയ്തത്. മുതല്‍ മുടക്ക് 250 കോടിയാണ്. ഭാരതത്തില്‍ ഏ
റ്റവും കൂടുതല്‍ പണം മുടക്കി ഇറക്കിയ ചിത്രമാണിത്. എസ്എസ്‌രാജമൗലിയാണ് സംവിധായകന്‍. സ്‌പെഷ്യല്‍ ഇഫക്ടിനാണ് കൂടുതല്‍ തുക വേണ്ടിവന്നത്. സിനിമയുടെ രണ്ടാം ഭാഗം അടുത്ത വര്‍ഷമിറങ്ങും. ഇതിനു മുന്‍പ് ഇത്രയേറെ തുക മുടക്കി എടുത്ത ചിത്രം രജനീകാന്തിന്റെ യന്തിരനാണ്.യന്തിരന് വന്ന ചെലവ് 150 കോടിയാണ്.
പ്രതികരിക്കാൻ ഇവിടെ എഴുതുക: