തിരുവനന്തപുരം: പ്രേമം സിനിമയുടെ വ്യാജ പതിപ്പ് ഇന്റര്‍നെറ്റില്‍ പ്രചരിച്ചതിന് പിന്നാലെ ദൃശ്യം സിനിമയുടെ തമിഴ് പതിപ്പായ പാപനാസവും ഇന്റര്‍നെറ്റില്‍ പ്രചരിക്കുന്നു. റിലീസ് ചെയ്ത് മൂന്ന് ദിവസത്തിനുള്ളില്‍ സിനിമ ഇന്റര്‍നെറ്റില്‍ പ്രത്യക്ഷപ്പെട്ടത് സിനിമാലോകത്തെ അമ്പരിപ്പിച്ചിട്ടുണ്ട്. സബ്‌ടൈറ്റിലുകള്‍ അടക്കമാണ് ഒരു തമിഴ് സൈറ്റില്‍ പാപനാശം ലഭിച്ചു തുടങ്ങിയത്. വെള്ളിയാഴ്ചയാണ് പാപനസം പുറത്തിറങ്ങിയത്.
മലയാളത്തിലെ ഹിറ്റ് ചിത്രമായ ‘ദൃശ്യ’ത്തിന്റെ തമിഴ് റീമേക്കായ പാപനാസം സംവിധാനം ചെയ്തിരിക്കുന്നതും ജീത്തു ജോസഫ് തന്നെയാണ്. കമല്‍ഹാസന്‍ നായകാനായ ചിത്രത്തില്‍ ഗൗതമിയാണ് നായിക. മലയാളി നടന്‍ കലാഭവന്‍ മണിയും ചിത്രത്തില്‍ പ്രധന വേഷം ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: