ഭാവസാന്ദ്രമായ ഈണങ്ങള്‍ കൊണ്ട് മാധുര്യം തുളുമ്പുന്ന ഗാനങ്ങളുമായി റൊമാന്റിക് മാപ്പിള ആല്‍ബം പുറത്തിറക്കി. നിലാത്തട്ടം എന്ന് പേരിട്ടിരിക്കുന്ന ആല്‍ബം മലയാള സംഗീത ഇന്‍ഡ്സ്ട്രിയിലെ പ്രമുഖ മ്യൂസിക് ലേബലായ Muzik247 ആണ് പുറത്തിറക്കിയത്.
ആല്‍ബത്തിലെ ഓരോ ഗാനങ്ങളും ഒരു നറുനിലാവ്‌ പോലെ മോഹങ്ങളുടെയും പ്രതീക്ഷകളുടെയും പ്രണയത്തിന്റെയും വികാരങ്ങളെ തൊട്ടുണര്‍ത്തുന്നു. ലളിതസുന്ദരമായ വരികളാലും തേനൂറുന്ന ഈണങ്ങള്‍ കൊണ്ടും സമ്പന്നമായ ഓരോ ഗാനവും സംഗീതാസ്വാദകര്‍ നെഞ്ചിലേറ്റും എന്ന കാര്യത്തില്‍ സംശയം വേണ്ട.
റഫീക്ക് അഹമ്മദ്‌ന്റെ വരികള്‍ക്ക് അഫ്സല്‍ യൂസഫ് ആണ് സംഗീതം നല്‍കിയിരിക്കുന്നത്. നജിം അര്‍ഷാദ്‌, ചിന്മയി, സിതാര, സച്ചിന്‍ വാര്യര്‍, രഞ്ജിത്ത്, ശില്‍പ രാജു, പ്രസീദ ഗോവര്‍ദ്ധന്‍ തുടങ്ങിയ ഗായകര്‍ ഈ ആല്‍ബത്തില്‍ ഒരുമിക്കുന്നു. കൂടാതെ, ബോളിവുഡിലെ പ്രമുഖ ഗായിക അന്വേഷയുടെ മലയാളത്തിലെ അരങ്ങേറ്റം കുറിക്കുന്ന മുഹൂര്‍ത്തം കൂടിയാണ് ‘നിലാത്തട്ടം’.
പാട്ടുകള്‍ കേള്‍ക്കാന്‍:
https://www.youtube.com/watch?v=h2uI_JRW4wY
‘പെരുന്നാള്‍’ എന്ന ഗാനത്തിന്റെ മേക്കിംഗ് വീഡിയോ കാണുവാന്‍:
പ്രതികരിക്കാൻ ഇവിടെ എഴുതുക: