കൊച്ചി: ബോളിവുഡ് നടനും നാടകകലാകാരനും എഴുത്തുകാരനും പത്മശ്രീ പുരസ്‌കാര ജേതാവുമായ ടോം ആള്‍ട്ടറും നാടക സംവിധായകനായ സൈറസ് ഡസ്റ്ററും കൊച്ചുകുട്ടികള്‍ക്കായി ജെടിപായ്‌ക്കില്‍ കഥ വായിച്ചുകൊടുക്കുന്നു. ജൂലൈ 2ന് 4.30 മുതല്‍ 6.30 വരെയാണ് കഥാപരിപാടി.
റസ്‌കിന്‍ ബോണ്ടിന്റെയും ജിം കോര്‍ബറ്റിന്റെയും കഥകള്‍ വായിച്ചുവളര്‍ന്ന പഴയ തലമുറയിലേതുപോലെയുള്ള അനുഭവം പുതിയ കുട്ടികള്‍ക്കും പകര്‍ന്നു നല്‍കാന്‍ ലക്ഷ്യമിട്ടാണ് ഇത്തരമൊരു കഥപറച്ചില്‍ സംഘടിപ്പിക്കുന്നത്.
ഹിമാലയത്തില്‍ നിന്നുള്ള ഇതിഹാസ കഥകളുടെ സത്ത ഉള്‍ക്കൊണ്ട് നാടകീയമായിട്ടാകും ടോം ആള്‍ട്ടര്‍ കഥകള്‍ അവതരിപ്പിക്കുക. സ്‌കൂള്‍ വിദ്യാര്‍ത്ഥികള്‍ക്കും പങ്കെടുക്കാം. രജിസ്‌ട്രേഷന് 8086881681, 9349528057.
പ്രതികരിക്കാൻ ഇവിടെ എഴുതുക: