ആലപ്പുഴ: കുഞ്ചന്‍ നമ്പ്യാരോളം പോന്ന പ്രതിഭയുള്ള മറ്റൊരു കലാകാരനെ ഇന്നു കണ്ടെത്തുക ബുദ്ധിമുട്ടാണെന്ന് അമ്പലപ്പുഴ കുഞ്ചന്‍ നമ്പ്യാര്‍ സ്മാരകസമിതി ഏര്‍പ്പെടുത്തിയ കുഞ്ചന്‍ ഹാസ്യ പ്രതിഭാ പുരസ്‌കാരം പുരസ്‌കാരം സ്വീകരിച്ച് നടന്‍ ശ്രീനിവാസന്‍ പറഞ്ഞു.
അഴിമതി, പിടിച്ചുപറി, മറ്റുള്ളവന്റെ സാധനങ്ങള്‍ അപഹരിക്കല്‍ തുടങ്ങിയ കാര്യങ്ങളില്‍ അഭിരമിക്കുന്ന കേരളീയരെ ഇന്നും നിശിതമായി വിമര്‍ശിക്കുന്നതാണ് കുഞ്ചന്‍ നമ്പ്യാരുടെ ഹാസ്യങ്ങളെന്ന് അദ്ദേഹം പറഞ്ഞു.
കുറിക്കുകൊള്ളുന്ന ഹാസ്യം കൊണ്ട് സാമൂഹിക വിമര്‍ശനം നടത്തിയ കുഞ്ചന്‍ നമ്പ്യാരുടെ പ്രതിഭാ പാരമ്പര്യം അവകാശപ്പെടാനുള്ള എല്ലാ യോഗ്യതയുമുള്ള കലാകാരനാണ് നടന്‍ ശ്രീനിവാസനെന്ന് അവാര്‍ഡുദാനം നിര്‍വഹിച്ച് മന്ത്രി കെ.സി. ജോസഫ് പറഞ്ഞു. കുഞ്ചന്‍ നമ്പ്യാര്‍ സ്മാരകം ചെയര്‍മാന്‍ വയലാര്‍ ശരത്ച്ചന്ദ്ര വര്‍മ്മ അദ്ധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: