കൊച്ചി: ഒരാളെപ്പോലും കുടിയൊഴിപ്പിക്കാതെ നിര്‍മിക്കുന്ന മൂലമ്പിള്ളി-പിഴല പാലത്തിന്റേയും അപ്രോച്ച് റോഡിനും ആവശ്യമായി ഭൂമി സര്‍ക്കാര്‍ ഏറ്റെടുത്ത് പിഴല ദ്വീപ് നിവാസികള്‍ക്ക് പാലവും റോഡും യാഥാര്‍ത്ഥ്യമാക്കണമെന്നും നിര്‍മാണ ഉദ്ഘാടന വേളയില്‍ മുഖ്യമന്ത്രി ദ്വീപ് നിവാസികള്‍ക്ക് നല്‍കിയ വാക്ക് പാലിക്കണമെന്നും ബിജെപി ജില്ലാ വൈസ് പ്രസിഡന്റ് കെ.പി.രാജന്‍.
ആറായിരത്തോളം വരുന്ന ദ്വീപ് നിവാസികളെ ബുദ്ധിമുട്ടിച്ച് കൊണ്ട് ഏതാനും ചില ഭൂഉടമകളെ സംരക്ഷിക്കുന്ന ഇടതു-വലതു മുന്നണികളുടെ രഹസ്യധാരണ ദ്വീപ് നിവാസികള്‍ തിരിച്ചറിയണമെന്നും ഇവരുടെ സമ്മതപത്രമില്ലാതെ ഭൂമി ഏറ്റെടുക്കാന്‍ സര്‍ക്കാര്‍ തയ്യാറാകണമെന്നും ബിജെപി കടമക്കുടി പഞ്ചായത്ത് കമ്മറ്റിയുടെ നേതൃത്വത്തില്‍ നടന്ന ഉപവാസസമരം ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു.
സമാപന യോഗത്തില്‍ ജില്ല ട്രഷറര്‍ പി.എസ്. ഷമ്മി, നിയോജക മണ്ഡലം പ്രസിഡന്റ് കെ.ടി. ബിനേഷ്, കടമക്കുടി പഞ്ചായത്ത് കമ്മറ്റി പ്രസിഡന്റ് ഡി.ബി. ബൈജു, എ.ജി. ചന്ദ്രശേഖരന്‍, ഡി.ടി. അനീഷ് തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: