കോട്ടയം: വിളക്കിത്തല നായര്‍ സമാജം വാര്‍ഷികവും വജ്രജൂബിലി സമ്മേളനവും 11, 12 തീയതികളില്‍ കോട്ടയം കെ.പി.എസ്. മേനോന്‍ ഹാളില്‍ നടക്കുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു. സമ്മേളനത്തിനു മുന്നോടി കൊടിമര ഘോഷയാത്ര 10ന് ഉച്ചക്ക് 2ന് ഏറ്റുമാനൂര്‍ മഹാദേവക്ഷേത്രത്തിലെ ആറാട്ട് എതിരേല്‍പ്പ് മണ്ഡപത്തില്‍ നിന്നു പുറപ്പെടും. കിടങ്ങൂര്‍, അയര്‍ക്കുന്നം, മണര്‍കാട്, വടവാതൂര്‍, കഞ്ഞിക്കുഴി എന്നിവിടങ്ങളിലെ സ്വീകരണത്തിനുശേഷം കെപിഎസ് മേനോന്‍ ഹാളിന് മുന്നില്‍ സമാപിക്കും. 11ന് രാവിലെ 9ന് സംസ്ഥാന പ്രസിഡന്റ് അഡ്വ. കെ.ആര്‍. സുരേന്ദ്രന്‍ പതാക ഉയര്‍ത്തും.
10ന് ചേരുന്ന പ്രതിനിധി സമ്മേളനം മന്ത്രി കെ.സി.ജോസഫ് ഉദ്ഘാടനം ചെയ്യും. നഗരസഭാ ചെയര്‍മാന്‍ കെ.ആര്‍.ജി. വാര്യര്‍, എം.പി. വാസുദേവന്‍, എന്‍. ചെല്ലപ്പന്‍, ജി.കുട്ടപ്പന്‍, എന്‍. മോഹനന്‍ തുടങ്ങിയവര്‍ സംസാരിക്കും. 12ന് ഉച്ചക്ക് രണ്ടിന് പൊലീസ് പരേഡ് ഗ്രൗണ്ടില്‍ നിന്നും പ്രകടനം. തുടര്‍ന്ന് 3.30ന് തിരുനക്കര മൈതാനത്ത് ചേരുന്ന പൊതുസമ്മേളനം മന്ത്രി രമേശ് ചെന്നിത്തല ഉദ്ഘാടനം ചെയ്യും. സാമൂഹ്യ സുരക്ഷാ പദ്ധതിയുടെ ഉദ്ഘാടനം മന്ത്രി തിരുവഞ്ചൂര്‍ രാധാകൃഷ്ണന്‍ നിര്‍വഹിക്കും.
ബിജെപി ജില്ലാ പ്രസിഡന്റ് ഏറ്റുമാനൂര്‍ രാധാകൃഷ്ണന്‍, ജോസ് കെ.മാണി എം.പി, കെ. സുരേഷ് കുറുപ്പ് എംഎല്‍എ, ഡിസിഡി പ്രസിഡന്റ് അഡ്വ. ടോമി കല്ലാനി, വി.എന്‍. അനില്‍കുമാര്‍ എന്നിവര്‍ സംസാരിക്കും. പത്രസമ്മേളനത്തില്‍ സംസ്ഥാന പ്രസിഡന്റ് അഡ്വ. കെ.ആര്‍. സുരേന്ദ്രന്‍, രാക്ഷാധികാരി ജി. കുട്ടപ്പന്‍, വൈസ് പ്രസിഡന്റ് എം.പി. വാസുദേവന്‍, ജനറല്‍ സെക്രട്ടറി എന്‍. മോഹനന്‍, ഖജാന്‍ജി എന്‍. ശിവരാമന്‍, സെക്രട്ടറി കെ.എസ്. രമേഷ് ബാബു, ആറ്റുകുഴി സദാശിവന്‍, എം.എന്‍. മോഹനന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: