മരങ്ങളും മലകളുംകൊണ്ട് സമ്പന്നമായ കേരളം മറ്റു സംസ്ഥാനങ്ങളെപ്പോലെയല്ല. പ്രകൃതി ലോലമായ സംസ്ഥാനമാണ്. നമ്മുടെ ഭൂപ്രകൃതിയുടെ സന്തുലിതാവസ്ഥ നഷ്ടപ്പെട്ടുകൊണ്ടിരിക്കുകയാണെന്ന് ശാസ്ത്രജ്ഞന്മാരുടെ പഠനങ്ങള് കണ്ടെത്തിയിട്ടുണ്ട്. മുന്സര്ക്കാര് നല്കിയ അനുമതി സര്ട്ടിഫിക്കറ്റുകളുടെ പിന്ബലത്തില് കെജിഎസ് ഗ്രൂപ്പുമായി ചേര്ന്ന് നമ്മുടെ സംസ്ഥാനത്തെ നശിപ്പിക്കാന് നമ്മള് അനുവദിക്കരുത്.
ബാബു ഇബ്രാഹിം
ഗതാഗത പ്രതിസന്ധി മറികടക്കാനെന്നപേരില് ചില തല്പ്പരകക്ഷികള് നിയമവിരുദ്ധമായാണ് ആറന്മുളയില് വിമാനത്താവളം നിര്മ്മിക്കാനൊരുങ്ങുന്നത്. ആറന്മുളയിലെ പട്ടിണിപ്പാവങ്ങളെ പറ്റിച്ച് അവരുടെ ഭൂമി ചുളുവിലയില് കയ്യടക്കാനുള്ള നീക്കവും ഏതു വിധേനയും ചെറുക്കേണ്ടതാണ്. വിമാനത്താവള നിര്മ്മാണത്തിനെതിരെ കുമ്മനം നടത്തുന്ന പ്രവര്ത്തനങ്ങളെ എല്ലാവരും പിന്തുണയ്ക്കുകയാണ് വേണ്ടത്.
അരവിന്ദാക്ഷന് വട്ടത്തറ
കാസര്കോടു മുതല് തിരുവനന്തപുരം വരെ മാത്രമുള്ള ഈ ചെറിയ സംസ്ഥാനത്തില് എന്തിനാണ് ഇത്രയും അധികം വിമാനത്താവളങ്ങള് നിര്മ്മിക്കുന്നത്? ഇപ്പോഴുള്ള വിമാനത്താവളങ്ങളില് സൗകര്യങ്ങള് തന്നെ പരിമിതമാണ്. എഴ് ഫ്ളൈറ്റ് ഒരുമിച്ചു പാര്ക്ക് ചെയ്യാന് സാധിക്കാത്ത മൂന്നു വിമാനത്താവളങ്ങള് നമുക്കുണ്ട്. ഇവയുടെ സൗകര്യങ്ങള് മെച്ചപ്പെടുത്താന് ശ്രമിക്കുന്നതിനു പകരം കച്ചവടക്കണ്ണുള്ള ഭൂമാഫിയകളെ പിന്തുണച്ച് ആറന്മുള പോലെയൊരു പൈതൃകഭൂമിയുടെ സന്തുലിതാവസ്ഥ നഷ്ടപ്പെടുത്താനാണോ ശ്രമിക്കേണ്ടത്.
ഷെരീഫ് യാക്കൂബ്
പ്രതികരിക്കാൻ ഇവിടെ എഴുതുക: