ആലപ്പുഴ: ഇന്ധനവില കുറഞ്ഞ സാഹചര്യത്തില്‍ ബസ് ചാര്‍ജും കുറയ്‌ക്കണമെന്നാവശ്യപ്പെട്ട് ബിജെപി ജില്ലാ കമ്മറ്റിയുടെ ആഭിമുഖ്യത്തില്‍ ഇന്നലെ ദേശീയപാത ഉപരോധിച്ചു. കളര്‍കോട് ഭാഗത്താണ് ഉപരോധ സമരം നടത്തിയത്. ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന്‍ ഉദ്ഘാടനം ചെയ്തു. കേന്ദ്രസര്‍ക്കാര്‍ പെട്രോളിയം ഉത്പന്നങ്ങളുടെ വില കുറച്ചിട്ടും സംസ്ഥാന സര്‍ക്കാരിന്റെ നിഷേധാത്മക നിലപാട് മൂലം കേരളത്തിലെ ജനങ്ങള്‍ക്ക് അതിന്റെ ഗുണഫലം ലഭിക്കാത്ത സ്ഥിതിയാണുള്ളതെന്ന് അദ്ദേഹം കുറ്റപ്പെടുത്തി. ഇക്കാര്യം ആവശ്യപ്പെട്ട് ബിജെപി സമരം ശക്തമാക്കുമെന്നും അദ്ദേഹം പറഞ്ഞു. ബിജെപി ജില്ലാ സെക്രട്ടറി ടി.കെ. അരവിന്ദാക്ഷന്‍ അദ്ധ്യക്ഷത വഹിച്ചു. ജില്ലാ നേതാക്കളായ കൊട്ടാരം ഉണ്ണികൃഷ്ണന്‍, എം.വി. ഗോപകുമാര്‍, ഗീതാ രാംദാസ്, സാനു സുധീന്ദ്രന്‍, സി.എ. പുരുഷോത്തമന്‍, ജി. ജയദേവ്, നിയോജക മണ്ഡലം പ്രസിഡന്റുമാരായ ബി. കൃഷ്ണകുമാര്‍, ചിത്രാംഗദന്‍, അഡ്വ. പി.കെ. ബിനോയ്, എം.ആര്‍. സജീവ് തുടങ്ങിയവര്‍ നേതൃത്വം നല്‍കി.
Friday, November 15, 2024
ബസ് ചാര്‍ജ് വര്‍ദ്ധന: ബിജെപി ദേശീയപാത ഉപരോധിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: