ദേശീയ ഗെയിംസ് റോവിങ്ങില്‍ വനിതകളുടെ 500 മീറ്റര്‍ കോക്‌ലസ് ഫോറില്‍ ഒന്നാംസ്ഥാനത്തേക്ക് കുതിക്കുന്ന കേരള താരങ്ങള്‍
ആലപ്പുഴ: കര്‍ണാടക നേട്ടമുണ്ടാക്കിയത് മലയാളി താരങ്ങളുടെ കരുത്തില്‍. കോക്‌സ്‌ലസ് എയ്റ്റില്‍ മത്സരിച്ച് വെള്ളി സ്വന്തമാക്കിയവരില്‍ നാലുപേരും മലയാളികളാണ്. തുടര്‍ന്ന് നടന്ന ഡബില്‍സ് സ്‌കളില്‍ കര്‍ണാടകം വെങ്കലം നേടിയതും മലയാളിക്കരുത്തില്‍ തന്നെ. താരങ്ങളെ പരിശീലിപ്പിക്കുന്നത് മലയാളിയായ ആര്‍.കെ. പിള്ളയുമാണെന്നതും ശ്രദ്ധേയം. ആര്‍മിയിലെ ഉദ്യോഗസ്ഥരായ കരുവാറ്റ സ്വദേശി മനീഷ്, കോഴിക്കോട് സ്വദേശി ബിനീഷ്, കുട്ടനാട് കൈനകരി സ്വദേശി ബിന്റോ തോമസ്, തിരുവല്ല സ്വദേശി സോജന്‍ സി.മാത്യു എന്നിവരാണ് വെള്ളിമെഡല്‍ നേടിയ ടീമിലെ അംഗങ്ങള്‍. കാസര്‍ഗോഡുകാരന്‍ വിജേഷ്‌കുമാറും വയനാട് കാരന്‍ ഫസല്‍ എം.അലിയും ചേര്‍ന്നാണ് കര്‍ണാടകത്തിന് വെങ്കലം സമ്മാനിച്ചത്. ഇതില്‍ ബിന്റോ തോമസ് നാല് മെഡലുകള്‍ സ്വന്തം പേരില്‍ കുറിച്ചു. മൂന്ന് വെള്ളിയും ഒരു വെങ്കലുമാണ് ബിന്റോയുടെ സമ്പാദ്യം. കേരളത്തിന് വേണ്ടി മത്സരിക്കണമെന്ന് ആഗ്രഹം ഉണ്ടെങ്കിലും അതിന് കഴിയാത്തതില്‍ വിഷമമുണ്ടെന്ന് ഇവര്‍ പറയുന്നു.
പ്രതികരിക്കാൻ ഇവിടെ എഴുതുക: