ശര്ക്കര എന്ന് എഴുതി നക്കിയാല് മധുരം നുകരുവാന് കഴിയില്ല. മധുരം വേണമെങ്കില് ശര്ക്കര നുണയുകതന്നെ വേണം. ബ്രഹ്മത്തെക്കുറിച്ചു വായിച്ചതുകൊണ്ടോ പറഞ്ഞതുകൊണ്ടോ ബ്രഹ്മാനുഭവം നേടാന് കഴിയില്ല. വായിച്ചതും പഠിച്ചതും പ്രവൃത്തിയില് തെളിയണം. അപ്പോഴാണ് അറിവ് അനുഭവമാകുന്നത്. ഉത്സാഹത്തിനു പ്രോത്സാഹനം ആവശ്യമാണ്.
വേദാന്തം പഠിച്ചവരുടെ ജീവിതമാണു മറ്റുള്ളവര്ക്ക് ആ പാതയില് നീങ്ങുവാന് വേണ്ട പ്രചോദനം നല്കുന്നത്. ചിലര് ‘ഞാന് ബ്രഹ്മം’എന്നു പറഞ്ഞു വെറുതെ ഇരിക്കുന്നതു കാണാം. എങ്കില് പിന്നെ ഈ ബ്രഹ്മം എന്തിനാണു ശരീരമെടുത്തത്. അരൂപമായിട്ടിരുന്നാല് മതിയായിരുന്നില്ലെ. നമുക്കു ശരീരം ലഭിച്ച സ്ഥിതിക്കു നമ്മള് ആ തത്ത്വം ജീവിച്ചു കാണിക്കണം. ഇതു മനസ്സിലാക്കിയവരില് വിനയം സ്വാഭാവികമായും വരും.
പ്രതികരിക്കാൻ ഇവിടെ എഴുതുക: