നക്ഷത്ര യുദ്ധം

ഒരു മിഥ്യതന്‍ വലയം മനസ്സിന്റെ-

വ്യഗ്രത തന്നില്‍ കുരുങ്ങിക്കിടക്കവേ,

കാണാത്ത കനവും കേള്‍ക്കാത്ത ഗാനവും

കാതരമിഴിയിലെ നീലപ്രസാദവും

പൂക്കുന്ന തൃഷ്ണയും വായ്‌ക്കുന്ന ദുഃഖവും

കാട്ടുപൂവിന്റെ ചിരിയും കലമ്പല്‍-

കൂടുന്ന കാട്ടാറിന്റെ ഞെരക്കവു-

മൊരു പിഞ്ചുപൈതല്‍ തന്‍

മൂരിയിടലു, മത്യുഗ്രമായ്

കത്തിനില്‍ക്കും സൂര്യന്റെ ദാഹം-

തീര്‍ക്കുമലയാഴിയുമെല്ലാം

കവിതയ്‌ക്കു വിഷയമാകുമ്പോഴും എന്തിനോ-

കാത്തു കാത്തു കിടപ്പാണിതെപ്പൊഴു-

മെന്നന്തരംഗത്തിലെ മിഥ്യയെ

കത്തിയെരിക്കാന്‍ വേഗമെത്തുന്ന-

പുതിയ നക്ഷത്രയുദ്ധ വിപത്തിനെ.