ആലുവ: ആലുവ അമ്പാട്ടുകാവില്‍ റെയില്‍വേ ട്രാക്കില്‍ വിള്ളല്‍ കണ്ടെത്തിയ തമിഴ്‌നാട് തിരുനല്‍വേലി സ്വദേശിയും പ്ലസ് ടു വിദ്യാര്‍ത്ഥിയുമായ പരമശിവത്തിനെ (19) ആലുവ പോലീസ് ആദരിച്ചു. രാവിലെ താമസസ്ഥലത്തുനിന്നും ഹോട്ടലിലേക്ക് പോകുന്നതിനിടെ ട്രാക്കില്‍ വിള്ളല്‍ കണ്ടതിനെത്തുടര്‍ന്ന് പരമശിവം ചുവന്ന ബനിയന്‍ ഉയര്‍ത്തിക്കാട്ടി ട്രാക്കിലൂടെ അപകടസൂചന നല്‍കുകയായിരുന്നു.
പരമശിവത്തിന്റെ സമയോചിതമായ ഇടപെടല്‍മൂലമാണ് തിരുവനന്തപുരം ജനശതാബ്ദി എക്‌സ്പ്രസിനെ അപകടത്തില്‍ നിന്നും രക്ഷിച്ചത്. അനുമോദനചടങ്ങില്‍ പി. പി. ഷാംസ് ഡിവൈഎസ്പി, ആലുവ. പരമശിവത്തിന് ക്യാഷ് അവാര്‍ഡ് നല്‍കുകയും പരമശിവം കുട്ടികള്‍ക്ക് മാതൃകയാണെന്ന് ആശംസിക്കുകയും ചെയ്തു. ആലുവ ഡിവൈഎസ്പി ഓഫീസില്‍ വച്ച് ഇന്നലെ നടന്ന ചടങ്ങില്‍ ആലുവ സിഐ ടി.ബി.വിജയന്‍, എസ്‌ഐ പി. എ. ഫൈസല്‍ എസ്‌ഐ മറ്റ് പോലീസ് ഉദ്യോഗസ്ഥര്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: