അമ്പലപ്പുഴ: സ്‌കൂള്‍ സമയത്ത് കെഎസ്ആര്‍ടിസി സര്‍വീസ് വെട്ടിക്കുറച്ചു. രോഷാകുലരായ നാട്ടുകാര്‍ പുറക്കാട് ഭാഗത്ത് കെഎസ്ആര്‍ടിസി ബസ് തടഞ്ഞ് ഡ്രൈവറെ കൈയേറ്റം ചെയ്യാന്‍ ശ്രമിച്ചു. ഇതേത്തുടര്‍ന്ന് ബസ് സര്‍വീസ് മുടങ്ങി. സംഭവത്തില്‍ നാട്ടുകാരെ പ്രതിയാക്കി പോലീസ് കേസെടുത്തു. വ്യാഴാഴ്ച വൈകിട്ട് അഞ്ചിന് വണ്ടാനം മെഡിക്കല്‍ കോളേജില്‍ നിന്നും കായംകുളത്തേക്ക് പോയ കെഎസ്ആര്‍ടിസി ബസ് തടഞ്ഞുനിര്‍ത്തിയാണ് ഡ്രൈവര്‍ ശിവരാജ (50)നെ കൈയേറ്റം ചെയ്യാന്‍ ശ്രമിച്ചത്. സ്‌കൂളുകളുടെയും ഓഫീസുകളുടെയും പ്രവര്‍ത്തനസമയം കഴിയുന്ന സമയത്ത് ബസ് സര്‍വീസ് മുടങ്ങുന്നത് പതിവായിരിക്കുകയാണ്. ഇതേത്തുടര്‍ന്ന് യാത്രാക്ലേശം രൂക്ഷമാണ്. ഈ സാഹചര്യത്തിലാണ് പുറക്കാട് നാട്ടുകാര്‍ ബസ് തടഞ്ഞുനിര്‍ത്തിയത്. ഡ്രൈവറെ കൈയേറ്റം ചെയ്യാന്‍ ചിലര്‍ ശ്രമിച്ചെങ്കിലും മറ്റുചിലര്‍ തടഞ്ഞതിനാല്‍ അനിഷ്ട സംഭവങ്ങള്‍ ഒഴിവായി.
Friday, November 1, 2024
കെഎസ്ആര്‍ടിസി ഡ്രൈവറെ കൈയേറ്റം ചെയ്യാന്‍ ശ്രമം; ബസ് സര്‍വീസ് മുടങ്ങി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: